Cambodia
This article was added by the user . TheWorldNews is not responsible for the content of the platform.

រុស្ស៊ី​ប្រើ​សុទ្ធតែ​កាំជ្រួច​បាញ់​ចេញពី​យន្តហោះ​ទម្លាក់គ្រាប់យុទ្ធសាស្ត្រដើម្បី​កំទេច​រថក្រោះ​ដែល​លោក​ផ្តល់អោយ​អ៊ុ​យក្រែន​

Views: 13

ប្រែ​សម្រួលៈ​បំណង​(​ដេល្លី​ម៉េល​)៖ យន្តហោះ​ទម្លាក់​គ្រាប់បែក​យុទ្ធសាស្ត្រ​របស់​រុស្ស៊ី​Tu-95​បាន​បាញ់​កាំជ្រួច​ចេញពី​សមុទ្រ​កា​ស្ពៀន​(Caspian Sea)​ដាក់​ទីក្រុង​គៀវ​កាលពី​ព្រឹក​ថ្ងៃអាទិត្យ​ទី​៥​ឧសភា​បណ្តាលអោយសង្កាត់​ពីរ​របស់​រដ្ឋធានី​អ៊ុយ​ក្រែន​កក្រើក​រញ្ជួយ​ដោយការ​ផ្ទុះ នេះ​បើ​តាម​ការបញ្ជាក់​របស់​កងកម្លាំង​អ៊ុយ​ក្រែ​ន​និង​អភិបាលក្រុងនេះ​។​

​ចៅហ្វាយក្រុង លោក​វី​តា​លី គ្លី​តស្កូ បាន​និយាយថា យ៉ាងហោច​ណាស់​មនុស្ស​ម្នាក់​ត្រូវបាន​នាំ​ចូល​ពេទ្យ តែ​មិន​មាន​សេចក្តីរាយការណ៍​ភ្លាមៗ​អំពី​អ្នក​បាត់បង់​ជីវិត​ទេ​។​ផ្សែងខ្មៅ​បាន​ហុយ​ចេញពី​សង្កាត់​​ដា​នី​ត​ស្គី និង ដ្នី​ប្រូ​វស្គី កន្លែង​ដែល​សម្លេង​ផ្ទុះ​បាន​បន្លឺឡើង​។​

​ការវាយប្រហារ​នេះ​សំដៅ​រចនា​សម្ពន្ធ​ផ្លូវដែក នេះ​បើ​តាម​លោក​សឺ​ហ៊ី​យ ឡេស​ឆេន​កូ​(Serhiy Leshchenko) ជំនួយការ​នាយ​សេនាធិការ​របស់​ប្រធានាធិបតី​អ៊ុ​យក្រែន​។​

​ក្រសួងការពារជាតិ​រុស្ស៊ី​បាន​និយាយថា ខ្លួន​បាន​បាញ់​រ៉ុក្កែត​ដាក់​ទីក្រុងគៀវ​ចេញ​ពី​ចម្ងាយ​ឆ្ងាយ​និង​បាន​បំផ្លាញ​រថក្រោះ T-72​ព្រមទាំង​រថ​ពាស​ដែល​ជា​ច្រើន​គ្រឿង​ដែល​បណ្តា​ប្រទេស​អឺរ៉ុប​ផ្តល់អោយ​​អ៊ុ​យក្រែន និង​ស្តុក​ទុក​នៅ​ក្នុង​អាគារ​ជួសជុល​ទូរ​រថភ្លើង​។​

​ចំណែក​កងកម្លាំង​យោធា​អ៊ុយ​ក្រែន​បាន​អះអាង​ថា ខ្លួន​បាន​បំផ្លាញ​កាំជ្រួច​បណ្តែត​មួយ​នៅ​ប្រមាណ​ជា​៦​ព្រឹក ក្រោយ​ចាប់​ឃើញ​សញ្ញា​កាំជ្រួច​ហោះ​មក​។​

​កាំជ្រួច​ទាំងនេះ​បាន​ធ្លាក់ចំ​ទីក្រុង​គៀវ​ជា​លើកដំបូង​ចាប់តាំងពី​ចុង​ខែ​មេសា នៅពេល​ផលិតករ​វិទ្យុ​សេរីភាព​ម្នាក់​ស្លាប់​ដោយ​កាំជ្រួច​រុស្ស៊ី​ធ្លាក់ចំ​អាគារ​ដែល​គាត់​ស្នាក់នៅ​។​

​កងកម្លាំង​អាកា​សអ៊ុយ​ក្រែន​បាន​និយាយ​នៅក្នុង​សេចក្តីថ្លែងការណ៍​មួយ​ថា «​យោង​តាម​ទិន្នន័យ​ដំបូងៗ កាំជ្រួច​របស់​រុស្ស៊ី​ត្រូវ​បាន​បាញ់​ចេញពី​យន្តហោះ​Tu-95​ចេញពី​សមុទ្រ​កា​ស្ពៀន​»​។​

​ក្នុងពេល​ជាមួយគ្នា ទីប្រឹក្សា​ប្រធានាធិបតី​អ៊ុយ​ក្រែន​បាន​អំពាវនាវ​អោយ​លោក​ខាងលិច​ដាក់ទណ្ឌកម្ម​ថែម​លើ​រុស្ស៊ីដើម្បី​ដាក់ទោស​ការវាយប្រហារ​នេះ​និង​ផ្តល់​សព្វាវុធ​បន្ថែម​ទៀង​ដល់​អ៊ុ​យក្រែន​៕

​រុស្ស៊ី​និយាយថា ជំនួយ​សព្វាវុធ​របស់​លោកខាងលិច​ដល់​អុ​យក្រែន​គ្រាន់តែ​ជា​ការ​ចាក់​សាំង​លើ​ភ្លើង​។​ក្នុង​រូប ទិដ្ឋភាព​ខ្ទេចខ្ទាំ​ង​នៃ​សង្កាត់​ជាយក្រុង​គៀវ​ដោយ​ការ​វាយ​ប្រង​ហារ​របស់​រុស្ស៊ី​

Post navigation