logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

រឿង​ដកទ័ព : មេទាហាន​កម្ពុជា​-​ឡាវ ជួបគ្នា​ថ្ងៃទី​២៦ ខែសីហា​

ចែករម្លែក

កងទ័ពកម្ពុជា (ខាងស្តាំ)និង ឡាវជួបក្នាកាលពីពេលថ្មីៗកន្លងទៅនេះ

ដោយ​: វង្ស សុភាព​/​ភ្នំពេញ​: មន្ត្រីជាន់ខ្ពស់​ក្រសួងការពារជាតិ​កម្ពុ​ជា បាន​ប្រាប់​រស្មី​កម្ពុជា នៅ​រាត្រី​ថ្ងៃទី​២៥​ខែសីហា​នេះ​ថា មេបញ្ជាការ​កងពលតូច​លេខ​៩ និង​មេបញ្ជាការ​យោធា​ខេត្តព្រះវិហារ នឹង​ជួបចរចា​ជាមួយ​អង្គភាព​យោធា​ខេត្ត​ចម្ប៉ា​សាក់ របស់​ប្រទេស​ឡាវ នៅ​ព្រឹក​ថ្ងៃទី​២៦ ខែសីហា ស្អែក​នេះ ដើម្បី​ដក​កម្លាំង​ចេញ​ឲ្យ​ផុតពី​ព្រំដែន​ដែល​មានការ​ស្មុគស្មាញ ស្ថិតនៅ​តំបន់​ទន្លេរពៅ​។


​ការជួបគ្នា​នេះ គឺ​ផ្អែក​តាម​ការឯកភាពរ​វា​ង​នាយក​មន្ត្រី​ទាំងពីរ កម្ពុជា​-​ឡាវ កាលពី​ថ្ងៃទី​២៤ ខែសីហា ថា​ដក​កម្លាំង​ចេញ​ផុតពី​ចំណុច​ស្មុគស្មាញ​នៅ​ព្រំដែន​ភូមិសាស្ត្រ ឃុំ​ភ្លុក ស្រុក​មឿង​មុន ខេត្ត​ចម្ប៉ា​សាក់ និង ផ្អែក​តាម​ការឯកភាព​របស់​រដ្ឋមន្ត្រីក្រសួង​ការពារជាតិ លេខ ៣៥៩៦/​ក​.​ប៉​.​ថ ចុះ​ថ្ងៃទី ២៥ ខែសីហា ឆ្នាំ​២០១៩​ថា​ការតែងតាំង​គណៈកម្មកា​រ​ចូលជួប​ដោះស្រាយ​បញ្ហា​ស្មុគស្មាញ​តាម​បណ្តោយ​ព្រំដែន​ឡាវ​-​កម្ពុជា នៅ​ប៉ុស្តិ៍​កន្ទុយ​កោះ​ស្មៅ​បង្គោល​០២៤​ស្ថិតក្នុង​ទឹកដី​ឡាវ​។​គណៈប្រតិភូ​ចូលរួម​ភាគី​នីមួយៗ​មិន​ឲ្យ​លើសពី​១០​រូប​។​


​ប្រភព​ដដែល​បាន​បន្តថា ការជួប​ចរចា​គ្នា​រវាង​ភាគី​កម្ពុជា​-​ឡាវ ដើម្បី​ពិភាក្សា​កំណត់​ការដក​កងកម្លាំង ទ័ព​ចេញ​ផុតពី​ព្រំដែន នៅ​ចំណុច​ដែល​ស្មុគស្មាញ និយាម​ការ (៧៩-២៣) ។​
​តាម​បញ្ជា​របស់​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា និង​លោក​ថង​លូន ស៊ី​ស៊ូ​លី​ត នាយករដ្ឋមន្ត្រី​ឡាវ គឺ​លោក​ឧ​ត្ត​ម​សេនីយ៍​ទោ ដួង ច័ន្ទ មេបញ្ជាការ​កងពលតូច​លេខ​៩ របស់ កម្ពុជា បាន ជួបចរចា​គ្នា ជាមួយ​ភាគី​ឡាវ កាលពី​ល្ងាច​ថ្ងៃទី​២៤ ខែសីហា​ដើម្បី​កំណត់ពេល វេលា​ឲ្យ​កងកម្លាំង​ទាំង ពី​រដក​ចេញពី​កន្លែង​ឈរជើង​នៅ​ចំនុច​ទន្លេ​ល្ពៅ​ក្នុង​តំបន់​មុំ​បី ស្ថិតនៅ​ស្រុក​ជាំ​ក្សាន្ត​ខេត្តព្រះវិហារ ទៅ កាន់ អង្គភាព ដើម​វិញ​។​


សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី ក្រសួង ការពារជាតិ ក៏​ធ្លាប់មាន​ប្រសាសន៍ ប្រាប់ រស្មី​កម្ពុជា​កាលពី​ល្ងាច​ថ្ងៃទី​២៤ ខែសីហា ថា តាម​បញ្ជា​របស់​នាយករដ្ឋមន្ត្រី​ទាំងពីរ (​កម្ពុជា​-​ឡាវ​) គឺ​បាន​ឲ្យ​មេបញ្ជាការ​នៅ​ជួរមុខ​ជួបគ្នា​កាលពី ល្ងាច​ថ្ងៃទី ២៤ ខែសីហា គោលការណ៍​សំខាន់ គឺ​បញ្ហា​តែមួយ​ទេ ឯកភាពគ្នា​កំណត់​ថេរៈវេលា​ឲ្យ​កម្លាំង​ទាំងពីរ​ចាក ចេញពី​នៅ​ចំនុច​ទន្លេ​ល្ពៅ​ក្នុង​តំបន់​មុំ​បី ទៅ អង្គភាព ដើម វិញ​។ កិច្ចការងារ​នេះ បាន ទទួលបញ្ជា​ពី​នាយករដ្ឋមន្ត្រី​ទាំងពីរ ហើយ​។​
ប្រមុខ​ការពារ ជាតិ​កម្ពុជា​បានបញ្ជាក់​យ៉ាង​ដូច្នេះ ថា “​ជំនួប គឺ​ជំនួប​ហើយ​។ ឥឡូវ គេ​បន្ត ធ្វើ ឲ្យ បាន ម៉ត់ចត់​។ ដូច្នេះ​ភាគី​ទាំង ពីរ​នឹង​បន្តធ្វើ​នៅ​ប៉ុន្មាន ថ្ងៃ​ទៀត ការជួបគ្នា​កាលពី ល្ងាច ថ្ងៃទី ២៤ ខែសីហា បាន ចប់ ហើយ គឺ គ្មាន ច្រក​ណា​ក្រៅពី​អនុវត្ត តាម​បទបញ្ជា​របស់ នាយករដ្ឋមន្ត្រី​ទេ ក៏ប៉ុន្តែ គេ​រៀបចំ ព្រាង​លិខិតស្នាម​បញ្ជាក់ អះអាង ឲ្យ​មាន​ភាព ជាក់ លាក់​បន្ថែម ទៀត នៅពេល ជួប គ្នា​នៅ ពេល ក្រោយ​។ តិច​ទៀត​បានសម្រេច​កំណត់​ថេរៈវេលា​ច្បាស់លាស់ ជាមួយគ្នា​។ ជំនួប​នេះ គឺ​ផ្តោត​សំខាន់​ទៅ​ការដក​កម្លាំង ទាំង សងខាង ទៅ​អង្គភាព​ដើម​វិញ តែ ដក​នឹង​គេ​មិនទាន់ ធ្វើ​ភ្លាម​ទេ គឺ​ត្រូវ មាន​ជា​លាយ​លក្ខ​អក្សរ ដើម្បី​បញ្ជាក់ រួច ហើយ ឈាន មួយ​ជំហាន ទើប បាន​ចប់​”​។​


សម្តេច​ពិជ័យ​សេនា ទៀ បាញ់ បានបញ្ជាក់​ទៀតថា ចំពោះ​ស្ថានភាព ព្រំដែន​កម្ពុជា ឡាវ គឺមាន​ភាព ល្អ ប្រសើរ ពីព្រោះ​ថ្នាក់ដឹកនាំ​កំពូល នៃ ប្រទេស​ទាំង ពីរ បាន ជួប ឯកភាពគ្នា​ហើយ គឺ ត្រូវ តែ អនុវត្ត តាម​បទបញ្ជា​ដ៏​ម៉ឹងម៉ាត់​បំផុត​។​
ចំណែក​សម្តេចនាយក រដ្ឋមន្ត្រី ហ៊ុន សែន បាន បញ្ជាក់ថា ទាក់ទង បញ្ហា ព្រំដែន កម្ពុជា ឡាវ សម្តេច បាន ជួប ជាមួយ មេបញ្ជាការ កងពល​ទ​តូច​លេខ ៩ និង ជួប​ជាមួយ នាយករដ្ឋមន្ត្រី ឡាវ បាន​ពិភាក្សាគ្នា ទាក់ទង រឿង ព្រំដែន ។ ដោយ​សម្តេច​បាន​បញ្ជា ឲ្យ មេបញ្ជាការ នៅខាងមុខ ដើម្បី ជួបគ្នា សម្រាប់ ការដក​ទ័ព រៀងៗ ខ្លួន ។ ការបញ្ជាក់ របស់ សម្តេច តេ​ជោ នាយករដ្ឋមន្ត្រី​គឺ នៅក្នុង គ្រុប អេឡិចត្រូនិក “ សភា ព្រោកប្រាជ្ញ ” កាលពី ព្រឹក ថ្ងៃទី ២៤ ខែសីហា ។​


​សម្តេច តេ ជោ ហ៊ុន សែន បាន បញ្ជាក់ថា “ ដោយសារ​ផ្តើម ពី​ប្រជាពលរដ្ឋ ខ្មែរ​យើង ម្នាក់ ទៅ បង្កបង្កើនផល នៅក្នុង​ដី​ដែល មិនទាន់ ដោះស្រាយ នឹង ហើយ គេ ក៏ មក ដក រួចហើយ គេ ក៏ ល្បាត​។​គេ ក៏ បញ្ជូន កម្លាំង មក ចាប់ពី ពី នាក់ ឡើងដល់ ៦០ នាក់ ហើយ យើង ក៏ ទៅ ទប់ នៅ កន្លែង នឹង ហើយក៏ ទាក់ ទង គ្នា រាល់ ថ្ងៃ ទេ ។ … ទាហាន និង ទាហាន នៅតាម ទល់ដែន វា មាន ស្អី ជាមួយគ្នា ។ ស៊ី បាយ ជាមួយគ្នា ទល់មុខ គ្នា នៅ នឹង ” ។​


​សម្តេច តេ ជោ បានបញ្ជាក់ ថា នៅ ពាក់កណ្តាល ខែកញ្ញា នាយករដ្ឋមន្ត្រី​ឡាវ មក​ទស្សនកិច្ច នៅ កម្ពុជា​ដើម្បី​ធ្វើ បន្ត កិច្ចការងារ ទាក់ទង នឹង រឿង ព្រំដែន​។​
​សូមជម្រាបថា សូមជម្រាបថា កងទ័ព​ឡាវ​ចំណុះ​ឲ្យ​យោធា​ខេត្ត​ចម្ប៉ា​សាក់ ស្ថិតនៅ​ទល់មុខ​ភូមិ​ខ្លឹម ឃុំ​ភ្លុក ស្រុក​មឿង​មុន ខេត្ត​ចម្ប៉ា​សាក់ ប្រទេស​ឡាវ បាន​ចូលមក​តំបន់​ទន្លេរពៅ តាំងពី ថ្ងៃទី​១៤ ខែសីហា រហូតមក ដល់​ថ្ងៃទី ២៤ ខែសីហា​។ បន្ទាប់ពី​មាន​បញ្ហា ភាគី​ទាំង​កម្ពុជា និង ឡាវ បាន​ចរចា​គ្នា​ដើម្បី​ដោះ ស្រាយ​កុំ​ឲ្យ​មាន​ភាព​តានតឹង ដោយ​ភាគី​កម្ពុជា​បាន​សំណូម ពរ ឲ្យ​ភាគី​ឡាវ ដក​កម្លាំង​ចេញពី​ទីតាំង ដែល បាន ឈរ ជើង​៕​សរន

All rights and copyright belongs to author:
Themes
ICO