Cambodia

សែលកាត ចូលរួមជួយយុវជន ក្នុងការ អភិវឌ្ឍ ជំនាញឌីជីថល ដើម្បីសុវត្ថិភាពតាមប្រព័ន្ធអនឡាញ

ចែករម្លែក

ដោយ៖ដេប៉ូ/ភ្នំពេញ៖ ក្រុមហ៊ុនសែលកាតបានប្រកាសពីកិច្ចសហការ ជាដៃគូជាមួយអង្គការ Terre des HommesNetherlands (TdH-NL) ដើម្បីដាក់ឱ្យដំណើរការ នូវយុទ្ធនាការថ្មី “គាំពារសុវត្ថិកុមារ ដើម្បីអនាគត” នៅក្នុងខេត្តសៀមរាប។

 ក្នុងសន្និសិទសារព័ត៌មាន រួមគ្នា និងស្របគ្នាជាមួយ ព្រឹត្តិការណ៍ TdH-NL Annual Cluster Eventមួយកាលពីថ្មីៗមកនេះត្រូវបានរៀបចំឡើងនៅឯសណ្ឋាគារសៀមរាប ប៉ាស៊ីហ្វិក ខេត្តសៀមរាប។ពិធីនេះមានការចូលរួមពីថ្នាក់ដឹកនាំ យុវជនចំនួន៣៥រូប របស់អង្គការនេះ និងកុមារជាង ២០០នាក់ទៀត មកពីសាលារៀន និងក្លឹបនានា នៅក្នុងខេត្តសៀមរាប។

គោលបំណងសំខាន់ នៃការជួបជុំនេះដែរ គឺ ដើម្បីបង្កើនជំនាញ ឌីជីថលរបស់កុមារ ដោយក្នុងនោះ រួមមានទាំងវិធីបង្កើតមាតិកា ជុំវិញបញ្ហាដែលពួកគេ កំពុងប្រឈមមុខ និងការប្រើប្រាស់ បណ្តាញសង្គម ដើម្បីជះឥទ្ធិពល ជាវិជ្ជមានដល់អ្នកដទៃ។

លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បាននិយាយ ថា ក្រុមការងារផ្នែកទីផ្សារ របស់សែលកាត ពិតជាមានក្តីសោមនស្សបំផុតក្នុងការចែករំលែក នូវជំនាញរបស់ពួកគេ រួមទាំងផ្តល់ការគាំទ្រដល់យុវជន និងថ្នាក់ដឹកនាំយុវជន លើការអភិវឌ្ឍជំនាញឌីជីថល ក៏ដូចជាលើកកម្ពស់ ការយល់ដឹងអំពីយុទ្ធនាការសុវត្ថិភាព កុមារនៅទូទាំង ប្រទេសកម្ពុជាផងដែរ។

លោកបានឱ្យដឹងបន្តថា យុវជនដ៏មានទេពកោសល្យ ឈានមុខទាំងពីររូប របស់សែលកាត រួមមាន កញ្ញា រ៉េត ស៊ូហ្សាណានិង ប៊ុន ឡេង បានចូលរួមគាំទ្រ គំនិតផ្តួចផ្តើមនេះ តាមរយៈការរៀបចំ នូវសិក្ខាសាលា តាមអនឡាញ ស្តីពីការបង្កើតមាតិកា និងការគ្រប់គ្រង បណ្តាញសង្គម។

គួរបញ្ជាក់ថាTerre des Hommes Netherlands គឺជាអង្គការក្រៅរដ្ឋាភិបាល ជួយការពារកុមារ ឈានមុខគេមួយ ដែលបានបំពេញប្រតិបត្ដិការនៅក្នុងប្រទេសកម្ពុជា ចាប់តាំងពីឆ្នាំ ២០០៧ ។ គម្រោងរបស់អង្គការនេះ គឺផ្តោតទៅលើការការពារ និងការឆ្លើយតប ចំពោះការកេងប្រវ័ញ្ចផ្លូវភេទលើកុមារ និងអាពាហ៍ពិពាហ៍កុមារ នៅតាមបណ្តាញអនឡាញនិងអហ្វឡាញ។ អង្គការមិនមែនរដ្ឋាភិបាលមួយនេះ តែងចូលរួមសហការ ជាមួយរដ្ឋាភិបាល អង្គការក្នុងស្រុក សាលារៀន និងបណ្តាសហគមន៍ជាច្រើនទៀត ដើម្បីលើកកម្ពស់ការយល់ដឹង អំពីសិទ្ធិរបស់កុមារ និងហានិភ័យ នៃការកេងប្រវ័ញ្ចន លើកុមារ៕

ទីតាំងផ្សាយពាណិជ្ជកម្ម

Football news:

Тот Tottenham midfielder Winks scored from 49 yards. This is the 3rd result in the Europa League, all - in this draw
This miss will hurt all men: Molde player missed from half a meter and drove into the bar
Mikel Arteta: I am Very happy with Pepe's game against Molde. Arsenal played well overall
Napoli players came out in t-shirts with Maradona's name and number 10 for the Europa League match
Daniele Bonera: Milan is happy with the game with Lille and only regrets the result
Neymar on Maradona: You will always remain in our memory. Football is grateful to you
If football was a movie, Diego would be its main character. Showsport readers say goodbye to Maradona