Views: 2
ប្រែសម្រួលៈបំណង(ដេល្លីម៉េល)៖ សភាសិង្ហបុរីកាលពីថ្ងៃអង្គារបានចាត់ទុកការស្រឡាញ់គ្នារវាងបុរសមិនជាអំពើខុសច្បាប់ទៀតទេ តែបានធ្វើវិសោធនកម្មរដ្ឋធម្មនុញ្ញដើម្បីរារាំងសមភាពពេញលេញក្នុងអាពាហ៍ពិពាហ៍ ដែលជាការវាយសំពងមួយលើសហគមន៍ស្រឡាញ់ភេទដូចគ្នាឬក្រុមខ្ទើយLGBT។
ច្បាប់សម័យអាណានិគមអង់គ្លេសដាក់ទោសចំពោះការរួមភេទរវាងបុរសអោយជាប់គុកពីរឆ្នាំ ទោះជាយ៉ាងណាវាមិនត្រូវបានអនុវត្តខ្ជាប់ខ្ជួនទេ។តាមពិតច្បាប់ទើបលុបចោលនេះបានរងការរិះគន់ជាយូរមកហើយថារើសអើង និងធ្វើអោយមានស្លាកស្នាមទុយស៌ចំពោះគូស្នេហ៍ភេទដូចគ្នា។
ចំណាត់ការរបស់សភាសិង្ហបុរីកើតឡើងក្រោយមានការប៉ុនប៉ងតែបរាជ័យជាច្រើនក្នុងការលុបចោលវាតាមរយៈបណ្តឹងនៅតុលាការនិងក៏កើតឡើងនៅពេលផ្នែកផ្សេងទៀតនៃទ្វីបអាស៊ី រួមមានតៃវ៉ាន់ ថៃនិងឥណ្ឌា បានទទួលស្គាល់សិទ្ធិសំរាប់សហគមន៍LGBT។
ទាំងការលុបចោលទោសព្រហ្មទណ្ឌចំពោះការស្រឡាញ់ភេទដូចគ្នានិងការធ្វើវិសោធនកម្មច្បាប់ ត្រូវបានអនុម័តដោយសភាក្នុងសម្លេងគាំទ្រច្រើនលើសលប់ តែមិនបានកំណត់ថាតើវាចូលជាធរមាននៅពេលណា។
សភាសិង្ហបុរី បានលុបចោលច្បាប់ដាក់ទោសការស្រឡាញ់ភេទដូចគ្នារវាងបុរសកាលពីថ្ងៃអង្គារ តែរារាំងសមភាពអាពាហ៍ពិពាហ៍
ច្បាប់ដាក់ទោសបុរសស្រឡាញ់ភេទដូចគ្នាមានតាំងពីពេលដែនដីសិង្ហបុរីនៅក្រោមការគ្រប់គ្រងអង់គ្លេសក្នុងទសវត្សរ៍១៩៣០។នៅពេលការគ្រប់គ្រងអាណានិគមអង់គ្លេសបានចប់នៅឆ្នាំ១៩៦៣ សិង្ហបុរីនៅជាផ្នែកមួយរបស់ម៉ាឡេស៊ី មុនក្លាយជារដ្ឋឯករាជ្យមួយនៅពីរឆ្នាំក្រោយ។សិង្ហបុរីនៅតែរក្សាទុកច្បាប់ព្រហ្មទណ្ឌនេះ ដោយបុរសស្រឡាញ់គ្នាត្រូវជាប់គុកពីរឆ្នាំ។
ពួកប្រុសខ្ទើយបាននិយាយថា ច្បាប់នេះបិទខ្ទប់សេរីភាពរបស់គេនិងរើសអើងប្រឆាំងពួកគេ។សកម្មជនរាប់ពាន់នាក់បានចេញមកតវ៉ារាល់ឆ្នាំនៅក្នុងបុរីរដ្ឋនេះដើម្បីគាំទ្រសហគមន៍ LGBTQ៕
សកម្មជនរាប់ពាន់នាក់បានចេញមកតវ៉ារាល់ឆ្នាំនៅក្នុងបុរីរដ្ឋនេះដើម្បីគាំទ្រសហគមន៍ LGBTQ
