logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Cambodia

សម្តេច​ចក្រី​ហេង​សំរិន​ដឹកនាំ​ប្រតិភូ​សភា​ចូលរួម​មហាសន្និបាត​អន្តរ​សភា​អាស៊ាន​នៅ​ប្រទេស​ថៃ​

ចែករម្លែក

ដោយៈ​សុផល​/​ភ្នំពេញៈ​សម្តេច​អគ្គ​មហា​ពញា​ចក្រី​ហេង​សំរិន​ប្រធានរដ្ឋសភា​នៅ​រសៀល​ថ្ងៃទី​២៥​ខែសីហា​ឆ្នាំ​២០១៩​នេះ​បាន​ដឹកនាំ​គណៈប្រតិភូ​ជាន់ខ្ពស់​សភា​នៃ​ព្រះរាជាណាចក្រ​កម្ពុជា​ទៅ​ចូលរួម​មហាសន្និបាត​អន្តរ​សភា​អាស៊ាន​ដែល​ហៅ​កាត់​ថា​AIPA​លើក​ទី​៤០​នៅ​ទីក្រុង​បាងកក​ព្រះរាជាណាចក្រ​ថៃ​ពី​ថ្ងៃទី​២៥​ដល់​ថ្ងៃទី​៣០​ខែសីហា​ឆ្នាំ​២០១៩​។​

​អញ្ជើញ​ជូន​ដំណើរ​សម្តេច​ប្រធានរដ្ឋសភា​នៅឯ​អាកាសយានដ្ឋាន​អន្តរជាតិ​ភ្នំពេញ​មាន​វត្តមាន​លោក​បណ្ឌិត ងួន ញ៉ិល អនុប្រធាន​ទី​១​រដ្ឋសភា លោកស្រី​ឃួន​សុ​ដា​រី​អនុប្រធាន​ទី​២​រដ្ឋសភា​ព្រមទាំង​សមាជិក សមាជិកា​រដ្ឋសភា​និង​មន្ត្រីជាន់ខ្ពស់​អគ្គលេខាធិកា​រដ្ឋា​ន​រដ្ឋសភា​។​អន្តរ​សភា​អាស៊ាន​ដែល​ហៅ​កាត់​ថា​(AIPA)​ជា​អង្គការ​អន្តរ​សភា​ជា​តំណាង​ស្ថាប័ន​នីតិប្បញ្ញត្តិ​នៃ​បណ្តា​ប្រទេស​សមាជិកសមាគម​ប្រជាជាតិ​អាស៊ីអាគ្នេយ៍​(ASEAN)​។​

ក្នុងនោះ​មាន​សមាជិក​១០​ប្រទេស​គឺ​ប្រ៊ុយណេ​,​កម្ពុជា​,​ឥណ្ឌូណេស៊ី​,​ឡាវ​,​ម៉ាឡេស៊ី​,​មី​យ៉ាន់​ម៉ា​,​សឹង្ហ​បុរី​,​ថៃ​,​វៀតណាម​,​និង​ហ្វីលីពីន​។​AIPA​ជាការ​ប្រមូលផ្តុំ​សំឡេង​ប្រជាពលរដ្ឋ​ក្នុង​សហគមន៍​អាស៊ាន​ជា​ដៃគូ​អាស៊ាន​ក្នុង​ការជំរុញឱ្យ​បានសម្រេច​បាន​នូវ​គោលដៅ​សហគមន៍​អាស៊ាន​តែមួយ​។​

​មហាសន្និបាត​អាយ​ប៉ា​បាន​ប្រារព្ធ​ធ្វើជា​រៀងរាល់ឆ្នាំ​ដោយ​ប្រទេស​ជា​សមាជិក​ផ្លាស់​វេន​គ្នា​តាម​លំដាប់​អក្ខរក្រម​នៃ​ឈ្មោះ​ប្រទេស​តាម​អក្សរ​ឡាតាំង​ដើម្បី​រៀបចំ​។​សភា​ប្រទេស​ថៃ​រៀបចំ​មហាសន្និបាត​អាយ​ប៉ា​នៅ​ឆ្នាំនេះ​គឺ​ក្រោម​ប្រធានបទ​”​ជំរុញ​ភាពជា​ដៃគូ​សភា​ដើម្បី​ការអភិវឌ្ឍ​សហគមន៍​ប្រកបដោយ​ចីរភាព​”​។

នៅ​កំឡុងពេល​មហាសន្និបាត​នេះ នឹងមាន​កិច្ចប្រជុំ​តាម​គណៈកម្មាធិការ​ជំនាញ ជាច្រើន​របស់ AIPA ដូចជា​កិច្ចប្រជុំ​គណៈកម្មាធិការ​ប្រតិបត្តិ​គណៈកម្មាធិការ​សមាជិក​សភា​ស្ត្រី​(WAIPA)​។​គណៈកម្មាធិការ​នយោបាយ​គណៈកម្មាធិការ​សេដ្ឋកិច្ច​គណៈកម្មាធិការ​សង្គមកិច្ច​គណៈកម្មាធិកា​រ​រៀបចំ​និង​កិច្ចប្រជុំ​រវាង AIPA​ជាមួយ​បណ្តា​ប្រទេស​សង្កេតការណ៍​ជាដើម​។​

​វត្តមាន​របស់​គណៈប្រតិភូ​ជាន់ខ្ពស់​សភា​កម្ពុជា​នៅលើ​ឆាក​អន្តរជាតិ​គឺជា​ការបំពេញ​បេសកកម្ម​ការទូត​សភា​នៅក្នុង​ការចូលរួម​កសាង​សុខសន្តិភាព​ស្ថិរភាព​សង្គម​និង​ការអភិវឌ្ឍ​ដោយ​ចីរភាព​នៅក្នុង​តំបន់​និង​ពិភពលោក​និង​ជាការ​កសាង​កិត្យានុភាព​ដល់​សភា​និង​ប្រទេសជាតិ នៅលើ​ឆាក​អន្តរជាតិ​ផងដែរ​៕S/

​ចំណងជើង​រូ​បថ​តៈ​សម្តេច​ចក្រី​ហេង​សំរិន​ដឹកនាំ​គណៈប្រតិភូ​ជាន់ខ្ពស់​សភា​ចូលរួម​មហាសន្និបាត​អន្តរ​សភា​អាស៊ាន នៅ​ប្រទេស​ថៃ​

All rights and copyright belongs to author:
Themes
ICO