Views: 2
ដោយ៖ ដេប៉ូ/ភ្នំពេញ៖ ស្វាក្តាម (Macaca fascicularis ) ដែលមានឈ្មោះជាភាសាអង់គ្លេសថា Common Long-tailed Macaque ដោយបច្ចុប្បន្នស្វាប្រភេទនេះគេឃើញមានរស់នៅស្ទើរពាសពេញប្រទេសកម្ពុជា។
បើតាមរយៈទំព័រហ្វេសប៊ុកររបស់ក្រសួងបរិស្ថានបានឱ្យដឹងថា៖ ស្វាក្តាមអាចផ្លាស់ប្តូរពណ៌ពីរដំណាក់កាលសំខាន់ៗគឺពណ៌ប្រផេះលាយត្នោត និងពណ៌ក្រហមភ្លឺ។ ចំពោះការ ផ្លាស់ប្តូរព័ណ៌នេះមានការប្រែប្រួលទៅតាមអាយុ ភេទ និងទីតាំងរស់នៅរបស់វា។
ស្វាក្តាមមានកន្ទុយវែងជាងគេ ក្នុងចំណោមប្រភេទស្វានានានៅទ្វីបអាស៊ី។ ស្វាក្តាមរស់នៅក្នុងតំបន់ព្រៃស្ទើគ្រប់ប្រភេទក្នុងនោះរួមមាន៖ ព្រៃស្រោង ព្រៃពាក់កណ្តាលស្រោង ព្រៃឬស្សី តំបន់វាលភក់ ព្រៃលិចទឹក ព្រៃកោងកាង ឆ្នេខ្សាច់ និងតាមឆ្នេរកោះ ជាដើម។
សម្រាប់ ចំណីរបស់វារួមមាន ក្តាម បង្កង ខ្យង ខ្ចៅ គ្រុំ លៀស ងាវ សត្វល្អិត ផ្លែឈើ និងត្រួយឈើជាដើម។ ប្រភេទនេះមានស្ទើតែទូទាំងតំបន់នៃប្រទេសកម្ពុជា៕