Cambodia
This article was added by the user . TheWorldNews is not responsible for the content of the platform.

ស្វាមី​ស្លាប់​ដោយសារ​ឈឺចិត្ត​រហូត​គាំងបេះដូង គឺ​តែ​ពីរ​ថ្ងៃ​បន្ទាប់​ពី​អ្នកគ្រូ​ជា​ភរិយា​របស់​គាត់​ស្លាប់​ក្នុងពេល​ការពារ​កូនសិស្ស​ពី​ការបាញ់ប្រហារ​នៅ​តិច​សាស់​

Views: 1

​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ស្វាមី​របស់​អ្នកគ្រូ​ម្នាក់​ដែល​គេ​បាញ់សម្លាប់​ក្នុង​ការបាញ់ប្រហារ​នៅ​សាលា​មួយ​កាលពី​ថ្ងៃ​អង្គារ បាន​ស្លាប់​ដោយ​គាំងបេះដូង​។​

​លោកស្រី អៀ​ម៉ា ហ្គាសៀ (Irma Garcia)​អាយុ ៤៦ ឆ្នាំ​គឺជា​គ្រូបង្រៀន​ម្នាក់​ក្នុងចំណោម​គ្រូបង្រៀន​ពីរ​នាក់​ដែល​ត្រូវបាន​ខ្មាន់កាំភ្លើង​សម្លាប់​កាលពី​ថ្ងៃ​អង្គារ​នៅ​ទីក្រុង​យូ​វ៉ាល់​ដេ រដ្ឋ​តិច​សាស់​។​

​កាលពី​ថ្ងៃ​ព្រហស្បតិ៍​ទី​២៦​ឧសភា ស្វាមី​ឈឺចិត្ត​របស់គាត់​ឈ្មោះ ចូ (Joe) បាន​ស្លាប់​ដោយ​គាំងបេះដូង ហើយ​ទំព័រ GoFundMe ដែល​បង្កើតឡើង​ដោយ​គ្រួសារ បាន​និយាយថា​គាត់​បាន​ស្លាប់​ដោយសារ​​ខូចចិត្ត​។​

​បងប្អូន​ជីដូនមួយរ​បស់​លោកស្រី​អៀ​ម៉ា គឺ លោកស្រី ដេ​ប្រា អូ​ស្ទីន (Debra Austin)​បាន​និយាយថា “​ខ្ញុំ​ពិតជា​ជឿ​ថាចូ​បាន​ស្លាប់​ដោយសា​រខូច​ចិត្ត ហើយ​ការ​បាត់បង់​ជីវិត​ម្ចាស់​ស្នេហ៍​ជាង ៣០​ឆ្នាំ​​របស់​គាត់​គឺ​មិន​អាច​ទ្រាំទ្រ​បានទេ​”​។​

​ក្មួយប្រុស​របស់​ប្ដី​ប្រពន្ធ​នេះ​បាន​បង្ហោះ​សារ​លើ Twitter ថា​គាត់​បាន​ស្លាប់​ដោយសារតែ​កើតទុក្ខ​ខ្លាំងពេក​។​

​រូប​គេ​និយាយថា “​សូម​អធិស្ឋាន​សម្រាប់​គ្រួសារ​របស់​យើង​។ សូម​ព្រះ​អាណិតអាសូរ​ដល់​យើង​ផង​”​។​

​អ្នក​ទាំង​ពីរ​បាន​រៀបការ​អស់​រយៈពេល​២៤​ឆ្នាំ ហើយ​មានកូន​បួន​នាក់ ។ គេ​មិនដឹងថា​កូន​ទាំង​នោះ​មាន​អាយុ​ប៉ុន្មាន​នោះ​ទេ​៕

​លោកចូ និង លោកស្រី​ហ្គាសៀ ឥឡូវ​បាន​ស្លាប់​ទាំង​ពីរ​នាក់​ហើយ ក្រោយ​ហេតុការណ៍​បាញ់ប្រហារ​នៅ​សាលា​បឋម​តិច​សាស់

Post navigation