Views: 1
ប្រែសម្រួល : កញ្ញាដាលីស (ដេល្លីម៉េល) ៖ កំពូលតារាបង្ហាញម៉ូត ដែលនៅតែបំពេញការងារ ចាស់ជាងគេលើពិភពលោក ឈ្មោះ ខាមិន ឌែល អូរីហ្វាយ (Carmen Dell’Orefice) អាយុ ៩១ ឆ្នាំកំពុងសបញ្ជាក់ថាអាយុគ្រាន់តែជាតួរលេខ ខណៈលោកស្រីថតស្រាតស្ទើរទាំងស្រុងសម្រាប់ទស្សនាវដ្តី New You ដែលនឹងចេញផ្សាយនាពេលខាងមុខ។
តារាបង្ហាញម៉ូតរូបនេះបានបង្ហាញខ្លួនជាលើកដំបូងនៅលើគម្របទស្សនាវដ្តី Vogueនៅអាយុត្រឹមតែ ១៦ ឆ្នាំប៉ុណ្ណោះ ហើយឥឡូវជាង ៧ ទសវត្សរ៍ក្រោយមក លោកស្រីនៅតែហ៊ានទទួលការថតស្រាត មិនចាវនារីក្មេងៗនោះឡើយ។
លោកស្រីខាមិនបានស្រាតននលគកដោយគ្របភួយបាំងតំបន់ឯកជនរបស់ខ្លួន ខណៈបង្ហាញរាងគួរឱ្យភ្ញាក់ផ្អើលនៅក្នុងការថតរូបថ្មីសម្រាប់លេខចេញផ្សាយខែតុលារបស់ទស្សនាវដ្តី New You។
លោកស្រីក៏គ្រោងនឹងបង្ហាញខ្លួននៅលើគម្របទស្សនាដ្តីជាមួយតារាបង្ហាញម៉ូតអាយុ ៦៩ ឆ្នាំឈ្មោះ បេវើលី ចនសុន (Beverly Johnson) ដែលពីមុនធ្លាប់បានបង្កើតប្រវត្តិសាស្ត្រជាតារាបង្ហាញម៉ូតជនជាតិអាម៉េរិកដើមកំណើតអាហ្វ្រិកដំបូងគេ ដែលបង្ហាញខ្លួននៅលើគម្របទស្សនាវដ្តី Vogue ក្នុងឆ្នាំ ១៩៧៤ ផងដែរ។
ថតដោយអ្នកថតរូបដ៏ល្បីល្បាញ លោក ហ្វាឌីល បារីសា (Fadil Barisha) រូបភាពមួយក្នុងចំណោមរូបភាពទាំងនោះ បានបង្ហាញតារាទាំងពីរឈរថតជុំគ្នាអមដោយរុក្ខជាតិបៃតង ដោយលោកស្រីខាមិនស្លៀកពាក់ឈុតសខ្មៅ និង លោកស្រីបេវើលីស្លៀកពាក់រ៉ូបពណ៌សទាំងស្រុង។
រូបថតមួយទៀតបានបង្ហាញលោកស្រីខាមិនដេកនៅលើគ្រែននលគក បាំងតែភួយបន្តិចបន្តួចប៉ុណ្ណោះ។
ចំពោះរបៀបដែលលោកស្រីនៅតែអាចរក្សាភាពយុវវ័យបានបែបនេះ ស្ត្រីវ័យ ៩១ ឆ្នាំរូបនេះបានប្រាប់អ្នកសារព័ត៌មានថា លោកស្រីបានធ្វើឱ្យប្រាកដថានឹងផ្តល់ឱ្យខ្លួនឯងនូវ “សេចក្តីស្រឡាញ់” និង “ការយកចិត្តទុកដាក់” ដូចដែលលោកស្រីផ្តល់ឱ្យកូនស្រីដែរ។
លោកស្រីបកស្រាយថា “បុរសនិងស្ត្រីគួរតែយកចិត្តទុកដាក់ចំពោះខ្លួនឯងនិងស្រឡាញ់ខ្លួនឯង។ អាថ៌កំបាំងមួយក្នុងការថែរក្សាសម្រស់គឺធ្វើអ្វីដែលអ្នកធ្វើដើម្បីទារក”។
“[អ្នក] ចិញ្ចឹមនិងផ្តល់ឱ្យទារកនូវក្ដីស្រឡាញ់។ នោះជាអ្វីដែលយើងគួរធ្វើជាមួយខ្លួនយើង ៖ ចិញ្ចឹមខ្លួនយើង ស្រឡាញ់ខ្លួនយើង និងផ្តល់ថាមពលបែបនេះដល់ខ្លួនយើង”។
លោកស្រីខាមិនកើតនៅទីក្រុងញូវយ៉កនៅថ្ងៃទី ៣ ខែមិថុនា ឆ្នាំ ១៩៣១។ លោកស្រីបានក្លាយជាតារាបង្ហាញម៉ូតនៅអាយុ ១៣ ឆ្នាំ បន្ទាប់ពីលោកស្រីត្រូវបានភរិយារបស់អ្នកថតរូប ឈ្មោះ ហឺមែន លែនស្កូហ្វ (Herman Landschoff) ចូលមកនិយាយស្តីជាមួយ ខណៈកំពុងជិះឡានក្រុងសាធារណៈ។
នៅពេលលោកស្រីមានអាយុ ១៥ ឆ្នាំ លោកស្រីបានចុះកុងត្រាជាមួយទស្សនាវដ្តី Vogue ដោយស៊ីថ្លៃ ៧,៥០ ដុល្លារក្នុងមួយម៉ោង៕
លោកស្រី ខាមិន ឌែល អូរីហ្វាយ និង លោកស្រី បេវើលី ចនសុន ថតរូបជាមួយគ្នាដាក់ទស្សនាវដ្តី New You