Views: 2
ប្រែសម្រួល : កញ្ញាដាលីស (ប៊ីប៊ីស៊ី) ៖ ក្រុមចចកខ្មៅ Wolves បានចុះហត្ថលេខាទិញខ្សែប្រយុទ្ធព័រទុយហ្គាល់ ហ្គនកាឡូ ហ្គេដេស (Goncalo Guedes) ពី Valenciaក្នុងកិច្ចសន្យារយៈពេលប្រាំឆ្នាំដែលមានតម្លៃ ២៧,៥ លានផោន (ជាង៣៣លានដុល្លារ)។
កីឡាករវ័យ ២៥ ឆ្នាំរូបនេះរកបាន ២៨ គ្រាប់ក្នុងការបង្ហាញខ្លួន ១៤៦ ប្រកួតនៅក្របខ័ណ្ឌ La Liga បន្ទាប់ពីចូលរួមជាមួយ Valencia ពី Paris St-Germainក្នុងកិច្ចសន្យាខ្ចីជើងដំបូងក្នុងឆ្នាំ ២០១៧។
តម្រូវការរបស់ Wolves សម្រាប់ខ្សែប្រយុទ្ធមួយរូប គឺកាន់តែមានសម្ពាធខ្លាំង បន្ទាប់ពីរបួសរបស់កីឡាករ រ៉ាអ៊ូល ជីមេណេស (Raul Jimenez) នៅមុនបើករដូវកាល។
ប្រធានក្លិបលោក ជេហ្វ ស៊ី (Jeff Shi) បាននិយាយថា “យើងបានត្រួតពិនិត្យហ្គនកាឡូអស់រយៈពេលជាយូរមកហើយ ហើយរីករាយណាស់ក្នុងការស្វាគមន៍គាត់”៕
ហ្គនកាឡូ ហ្គេដេស ចូលរួមជាមួយ Wolves ក្នុងតម្លៃខ្លួនជាង ៣៣ លានដុល្លារ