Saint Lucia
This article was added by the user . TheWorldNews is not responsible for the content of the platform.

Hof a condena homber envolvi den importacion di 110 kilo di cocaina na 6 aña y 10 luna di prison

Black Immigrant Daily News

The content originally appeared on: Diario

Ministerio Publico a apela e sentencia cu e sospechoso a wordo declara liber

ORANJESTAD (AAN):  Despues di mas cu 3 aña cu Hues a declara e homber A.C., hunto cu tres otro liber, Hof a haya A.C. culpabel di importacion di 110 kilo di cocaina y a conden’e na 6 aña y 10 luna di prison. 

IMPORTA 110 KILO DI COCAINA

E sospechosonan homber, A.C., R.Z., K.W. y G.R. ta wordo acusa cu den oranan di marduga riba 19 Mei 2018, nan a importacion 110 kilo di cocaina. E importacion aki mester a sosode den oranan di marduga di 19 Mei 2018, na e beach dilanti cas di Gobernador banda di Wilhelmina Park. Polis a haya e droga na cas di A.C. na Casibari y e droganan tabata den 2 icejug color blanco. 

FISCAL A BAHA PISA

Tratamento di e caso a sosode na Maart 2019, caminda Fiscal a haya e grupo aki culpabel. El a bisa cu e icejugs tabata riba e boto y Polis a haya esakinan na cas di A.C. na Casibari. Fiscal a exigi 7 aña di prison pa A.C. y G.R., kendenan e ta considera e organizadornan. Pa R.Z., el a exigi tambe 7 aña di prison pasobra recien R.Z. a haya castigo pa droga. Fiscal a exigi 5 aña pa K.W. 

SOSPECHOSONAN DECLARA LIBER

Dia 17 April 2019, Hues di Corte den Promer Instancia a dicta sentencia. Hues a bisa cu e ta haya cu falta di investigacion pa mustra cu realmente e icejugs cu a haya na cas di A.C. ta esnan cu tabata riba e boto. Tin imagen cu ta mira con e boto ta yega na e beach pero no tin investigacion cu ta mustra cu e icejugnan riba e boto, ta esnan cu a haya na cas di A.C. Na opinion di Hues esaki ta trece cun’e cu no tin suficiente prueba cu riba e boto tabatin droga y cu hunto e grupo aki a transporta droga. Hues a declara tur cuater liber. 

MINISTERIO PUBLICO A APELA

See also

Ta asina cu Ministerio Publico a apela y a proceso a dura te e aña aki, esta mas cu 3 aña promer cu tratamento di e caso a tuma lugar.

   Procurador General a presenta den Corte Superior cu pruebanan. Entre otro a presenta un potret di un di e cellularnan cu a confisca, riba cual por mira A.C. sinta riba un banki banda di e 2 icejugs blanco. Procurador General ta haya A.C. culpabel y a exigi 6 aña y 10 luna di prison.

HOMBER CONDENA

E siman aki Hof a dicta sentencia y a haya A.C. culpabel. Hof a mustra cu riba e potret ta mira A.C. sinta banda di e dos icejug. Pa cu e castigo, Hof a bisa cu ta tene cuenta cu ta 110 kilo di cocaina. Droga ta pone salud di hende na peliger y ta crea criminalidad. Hof a confirma exigencia di PG. Hof a condena A.C. na 6 aña y 10 luna di prison, kitando e tempo cu e tabata sera. Esey ta nifica cu despues di mas di 3 aña ta liber, awor mester bay sinta castigo den KIA.

NewsAmericasNow.com