„Не нè обвинувајте за учествување во агресија или нешто трето. Бевме, сме и ќе бидеме со нашата Русија. Нашиот сојуз со Русија е поцврст отколку тој на НАТО блокот. Што друго очекувате од нас? Покрај тоа кажуваме дека нема да се бориме во Украина. Да соработуваме мирољубиво“, кажа белорускиот лидер пред амбасадорите на странските земји.
Според Лукашенко, Украина не може да ја обвини Белорусија за ништо.
„Ние не го почнавме конфликтот со Украина. Тие беа тие што го затворија својот воздушен простор за нашите авиони и прогласија економска блокада на Белорусија пред Западот и САД тоа да го направат“, кажа Лукашенко.
Претседателот на Белорусија додаде дека неговата земја секогаш ги исполнувала своите обврски кон Русија, но дека не била вмешана во оружениот судир во Украина, пренесува ТАСС.
