Macedonia
This article was added by the user . TheWorldNews is not responsible for the content of the platform.

Момче со нож нападна професори и ученици во средно училиште во Шпанија

Од: А1он

14-годишно момче денеска со нож нападна неколку професори и ученици во средно училиште во градот Херез де ла Фронтера, на југот на Шпанија, потврди локалната полиција за Ројтерс. Ел Паис пишува дека момчето е ученик во трета година на Институтот „Елена Гарсија Армада“.

Шпанските весници нагласуваат дека 14-годишно момче утрово нешто по осум часот влегло во училиштето со два ножа и нападнало тројца наставници и двајца ученици. Повредените професори и студенти се пренесени во болници, а се уште нема информации за сериозноста на нивните повреди.

Според првите информации, еден од професорите има повреда на окото.

Полицијата го уапсила момчето чии мотиви се уште не се познати. Училиштето е евакуирано. Итната помош потврдила дека добиле дојава за напад во училиштето, а полицијата и здравствените работници веднаш излегле на терен. Малолетникот брзо бил лоциран и приведен, по што бил пренесен во полициска станица каде ќе остане во притвор до утврдување на сите околности на настанот.