Во рок од една минута се слушнале најмалку 12 експлозии со различен интензитет, од кои три биле екстремно гласни. Облак чад се издигал од правец на руската база. Селото Новофедоривка е оддалечено околу 200 километри од фронтот. Тоа значи дека, доколку експлозиите се резултат на украински напад, Украинците добиле оружје со значително поголем дострел од претходно.
Видеата кои наводно прикажуваат експлозии на Крим брзо се проширија низ руските и украинските канали на социјалните мрежи.
Multiple explosions reported near a military airfield in Crimea. pic.twitter.com/qGGZozQ3Bk
— Kevin Rothrock (@KevinRothrock) August 9, 2022
Родион Мирошник, т.н руски амбасадор во самопрогласената проруска Народна Република Луганск, објави две видеа од експлозиите на својот канал Телеграм.
„Жителите на Крим јавуваат за експлозии кај селото Новофедоривка. Првата експлозија се случи во 15 часот по локално време, а потоа следеа и други експлозии. Засега не се знае дали има жртви“, објави Мирошник.
