Пожарот кај Охрид, во планината помеѓу с.Вапила и с.Расино за кој информиравме и претходно, се уште е активен, потврдија од ЦУК вечерва за Прес24.
Гори деградирана шума, досега се опожарени околу 12 хектари површина.
„Во текот на денот на пожарот интервенирале две ПП возила и шест пожарникари од ТППЕ Охрид, 20 вработени од ЈП национални шуми подрачна единица „Галичица“ – Охрид и околу 10 жители од месното население. Но, поради непристапност на теренот во ноќни услови во моментов екипите се повлечени од терен“, информираат од РЦУК Охрид.
Во текот на вечерта, направен е план за интервенција уште во раните утрински часови.
„Договорено е наутро во 04,30 часот екипи од ТППЕ Охрид, тим од ДЗС Охрид, екипа од вработени во ЈП национални шуми подрачна единица „Галичица“ – Охрид и жители од месното население да излезат на терен и да продолжат со гасење на пожарот. Состојбата се следи“, известуваат од РЦУК Охрид.
