Macedonia
This article was added by the user . TheWorldNews is not responsible for the content of the platform.

Вејн Руни го советува Манчестер јунајтед што да прави со Роналдо

Изминатиов период имаше многу гласини за иднината на Кристијано Роналдо, се шпекулира дека Португалецот сака да замине од Олд Трафорд и да се пресели во клуб кој настапува во Лигата на шампионите и има состав кој ќе се бори за титули.

Напаѓачот подоцна ги започна подготовките за новата сезона и синоќа беше резерва на отварањето на новата сезона во Премиерлигата и поразот од Брајтон.

„Мислам дека Манчестер јунајтед треба да му дозволи на Кристијано да замине“ – пишува Вејн Руни во својата колумна во Тајмс.

„Не дека Роналдо не може да игра во тимот на Тен Хаг, може да игра во било кој тим. Рони секогаш ќе постигнува голови. Но моето лично мислење е дека Јунајтед во моментов не е подготвен да освојува титули, па целта е да се изгради тим кој ќе може да триумфира во Премиерлигата во следните три или четири години, и потребен ви е план за ова“.

„Доколку се точни написите дека Кристијано сака да замине, тогаш Јунајтед треба да му ја исполни желбата и да ангажира „9-ка“ која ќе биде тука во следните три-четири години и навистина ќе помогне да се изгради тим кој ќе биде успешен“.