Причината за експлозијата сè уште не е позната. Според официјалната верзија на руското министерство, експлозијата се случила поради детонација на муниција, но не открија како дошло до детонацијата, пишува Си-ен-ен. Украина не презеде одговорност за евентуалниот напад на базата Саки на Крим, каде загина најмалку едно лице.
Според сателитските снимки објавени од американската Планет лаб, може да се види огромна штета од експлозијата. Самата писта, се чини, не е оштетена. Но, како што додава Би-би-си, најмалку осум авиони се оштетени или уништени.
First unrectified images of Saki Air Base in Crimea via @planet following yesterday's multiple explosions. There's clearly been a massive fire across the base following whatever happened there: pic.twitter.com/vQJa6ljMEv
— Eliot Higgins (@EliotHiggins) August 10, 2022
Сликите пред и потоа од Планет Лаб се првата независна потврда дека базата можеби е оштетена. Досега имаше малку детали за степенот на ударот на експлозиите. Но, сè уште не е јасно како и од што е оштетена базата.
#Ukraine: The first satellite pics of the aftermath of the Russian airbase in Novofedorivka, #Crimea have arrived: they show massive destruction.
We count approx. 5x Su-30SM multirole fighters & 6x Su-24M/MR strike/reconnaissance aircraft that were destroyed. 4 more is possible. pic.twitter.com/wOF4iWcXqN
— 🇺🇦 Ukraine Weapons Tracker (@UAWeapons) August 10, 2022
Русија инсистира дека експлозиите биле предизвикани од муниција што експлодирала во складиште поради прекршување на правилата за заштита од пожари. Украина не ја презеде одговорноста - а нејзиниот министер за одбрана сугерираше дека можеби се виновни невнимателните руски војници.
„Мислам дека руските воени момци во оваа воздушна база го прекршија своето многу едноставно добро познато правило: не пушете на опасни места“, рече Олексеј Резников. „Тоа е тоа“. Воздухопловните сили на Украина соопштија дека се уништени десетина руски воени авиони, иако Русија негираше дека било кој авион бил оштетен. Овие нови слики сугерираат дека тоа не е вистина.
