Macedonia

Заев: Знам што е стравот, сега се бега од изборите, ВМРО-ДПМНЕ се плашат од пораз

Лидерот на СДСМ Зоран Заев денеска изјави дека има простор за разговори со опозицијата за датум за предвремени парламентарни избори се до завршувањето на вонредната состојба во следните седум до десет дена, но доколку не се изнајде решение потоа ќе мора да се почитуваат уставните одредби и законските рокови и да се оди на избори, на коишто тој е убеден дека ќе победи.

-Сакаме да бидеме флексибилни. Сакаме да учествува опозицијата. Номиниравме дека не сме врзани за 21 јуни, сакаме во овој период на првиот бран на паѓање на кризата да излеземе на изборите. сакаме дијаог, сакаме договор, но ако нема договор не можеме со сила ние да натераме и другите страни да постигнат договор односно да одат на избори. На крајот сите поднеле листи и се кандидати на изборите, и изборите треба да се одржат не заради тоа што ние дод СДСМ сме седнале и мислиме дека треба да има избори, туку заради тоа што законот тоа го пропишува, Уредбата со законска сила и Изборниот закон, рече Заев на прес-конференција.

Според Заев, бојкот на изборите не може да има бидејќи кандидатските листи веќе се прифатени, а се изврши и жребувањето. Прашање е дали некој ќе бојкотира кампања, рече тој, потенцирајќи дека СДСМ не сакаат никој да ја бојкотира кампањата.

Заев кажа дека на вчерашната лидерската средба за терминот 21 јуни тие добиле поддршка од ДУИ, од ДПА и од БЕСА. Алијансата на Албанците и Алтернатива предложиле избори на 26 јули, додека ВМРО-ДПМНЕ 23 август, 30 август и 6 септември, но поради продолжениот викенд, бил предложен 13 септември.

Лидерот на СДСМ го повтори ставот дека не е добро да има избори на крајот на август или почетокот од септември поради можноста за следен пик од коронавирусот.  Посочи на извештаите на Комисијата за заразни болести и на СЗО, како и на изборите кои ќе се одржат во соседните земји како Србија, а потоа и Хрватска.

Имаме плус аргументи зошто треба да одиме на брзи избори, рече Заев и повтори дека не би сакал со одлагање на изборите за август или септември, па дури и декември, земјата да се доведе во ситуација на нова политичка криза.

-Нема да дозволиме незаконско и неуставно одложување на изборите, затоа што кој било граѓанин во државата да достави една претставка до Уствниот суд ќе ги урниса резултатите од изборите, рече лидерот на СДСМ.

Според него, ВМРО-ДПМНЕ и Мицкоски сакаат да ги одолговлекуваат изборите бидејќи се плашат од изборен пораз.

– Изборите тие ќе ги изгубат не поради Заев, туку поради сопствената политика и неквалитетни кадри. Знам што е, стравот, сега се бега од изборите. Анкети сите соопштуваме, ги читаме податоците и знаеме дека опозицијата ќе губи. Не заради Заев или не заради некој друг, туку заради неодговорното однесување во последните три години, заради немање квалитетна понуда, заради арогатниот однос кој го има спрема новинарите и граѓаните и слично, заради кадровската понуда и потенцијал. Граѓаните знаат се, рече Заев.

Во однос на Државната изборна комисија и ставот на нејзиниот претседател во однос на Избирачкиот список, лидерот на СДСМ истакна дека ја поздравува работата на Комисијата која секогаш носела одлуки со консензус, и побара секој да го почитува законот. Заев потсети дека за Избирачкиот список веќе е донесена одлуката, одговарајќи на новинарско прашање што доколку дел од членовите на ДИК не го потпишат ИС и покажувајќи го заклучокот на ДИК по донесувањето на Уредбата со законска сила од страна на Владата за прекинување на изборните дејства. Укажа повторно на членот 43 став 6 од Изборниот законик и вметнувањето на лицата со наполнети 18 години до денот на изборите.

– Должност е на ДИК, по службена должност тој список да го потпише и да го објави, по закон е така, законот јасно пропишува какви се пеналите. Само очекувам сите да го почитуваме законот, не би сакал некого да го иритирам, ниту да го навредам. Не би сакал ова да звучи заканувачки, рече Заев.

Во однос на опасноста од мала излезност, лидерот на СДСМ вели дека доколку сите партии излезат на изборите не верува дека изленоста ќе биде многу мала или помала од вообичаено, бидејќи на парламентарни избори луѓето, како што кажа излегуваат на гласање.

Football news:

Police arrested a 12-year-old boy in the case of threats against Zaa
These people are sick. They need help. The fear and loathing of the North London Derby
Farfan's goal could not be counted: before that, the referee called from the goal, and CHorluka just took the ball and ran forward with it
Son has scored 10+ goals for Tottenham in the Premier League four seasons in a row
Milan are Interested in the striker of Lille Osimana
Dembele does not want to move to Manchester United. He believes that he will succeed in Barca
Ferdinand on Liverpool's decline: it's a celebration. If there are no Champions League games ahead, you just relax