logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Malta

Bulgara tibqa’ arrestata wara li ġiet mixlija li tat bis-sikkina lis-sieħeb tagħha

Desislava Vasileva Maksimova, Bulgara ta’ 49 sena, nżammet taħt arrest preventiv wara li ġiet mixlija li kkaġġunat feriti gravi fuq is-sieħeb tagħha f’Buġibba.

Allegtament l-akkużata qabdet sikkina meta kienet f’tilwima mal-vittma fil-kċina u tagħtu biha fuq sidru. Huwa għamel ukoll xi ħin fil-periklu tal-mewt, iżda qaleb għall-aħjar.

Maksimova, li taħdem bħala fattiga nżammet arrestata wara li kienet akkużata mill-Ispettur Godwin Scerri li kkaġunat ġrieħi serji fuq is-sieħeb tagħha u li ppruvat tgħatti r-reat tagħha fosthom billi tat verżjoni ħażina tal-fatti.

Fil-fatt kemm hi u anke s-sieħeb tagħha qalu lill-Pulizija li r-reat sar minn xi persuni ta’ nazzjonalità Libjana., L-avukat tal-Għajnuna Legali Martin Fenech qal li kienet l-agressjoni tar-raġel li wasslet għar-reat, u dan biex il-mara tiddefendi ruħha.

Saret talba għall-ħelsien mill-arrest, u anke biex il-Qorti timponi diversi kundizzjonijiet bil-Prosekuzzjoni toġġezzjona minħabba li hi toqgħod fl-istess residenza mas-sieħeb tagħha fi Triq Toni Bajada.

Il-Maġistrat Neville Camilleri li mexxa l-każ qal li l-Qorti mhux konvinta li l-Bulgara kienet se żżomm il-kundizzjonijiet mill-arrest u għalhekk ordnat li għalissa hija tinżamm taħt arrest preventiv.

Ikkummenta

Themes
ICO