logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
Купить трафикКупить трафик
star Избранное: Tag Tag Tag Tag Tag
Купить трафикКупить трафик
Malta

Naqra konkos minflok xogħol kif suppost

Għal Transport Malta, taħt it-tmexxija tal-Ministru Ian Borg, laqa konkos kienet biżżejjed biex jitgħatta d-dnub ta’ triq li kulma tmur qed iċċedi minflok ma t-triq terġa’ ssir mill-ġdid … kif suppost isir.

Din hi s-sitwazzjoni ta’ Xatt Ta’ Xbiex, fl-Imsida – triq frekwentata minn eluf ta’ karozzi kuljum – fost diversi rapporti kontinwi tal-istat diżastruż li t-triq kienet tinsab fiha.

Iżda ġurnata fost l-oħrajn, ir-residenti ta’ din it-triq u oħrajn fil-qrib innutaw tabelli tan-No Parking minħabba xogħol li kien se jsir. Kien hawn li, fuq żewġt iljieli, il-ħaddiema ta’ Transport Malta qalgħu partijiet minn wiċċ it-triq u għaddew laqa konkos fiż-żona li kienet l-aktar milquta.

Qabel l-elezzjonijiet ta’ Mejju li għadda, il-Gvern u l-Kunsill Lokali tal-Imsida – immexxi minn maġġoranza Laburista – kienu ftaħru li din it-triq kellha tgawdi minn proġett kbir biex jitwessa’ l-promenade. Madankollu, sorsi li tkellmu ma’ NET News qalu li dan il-proġett partikolari jidher li fadallu ħafna biex jibda … jekk jibda.

Dan hekk kif NET News jinsab infurmat li l-Gvern ilu jipprova javviċina kuntratturi differenti li jistgħu jkunu interessati fih. Iżda dawn, kif ikunu jafu bit-termini li qed jitlob il-Gvern, qed jaqtgħu qalbhom u jaħarbu mis-sunnara.

Dan hekk kif il-Gvern qed jippretendi li l-proġett kollu jitlesta fi ftit xhur, minkejja li jrid isir reklamazzjoni tal-art u anke ċaqlieq ta’ dgħajjes żgħar li hemm, filwaqt li mal-proġett, wieħed jistenna wkoll li din it-triq ewlenija ssir mill-ġdid.

Sadanittant, mal-laqa konkos ta’ ftit jiem ilu, intlaqtet ukoll zebra crossing li hemm fl-istess Xatt u li qabel, kienet kważi sfrondata għalkollox. Iżda issa, iż-żebgħa mal-art bilkemm tidher u dan qed ikun ta’ periklu għalmin ikun qed jaqsam it-triq, ladarba s-sewwieqa tal-karozzi ma jindunawx biż-zebra crossing.

Minbarra l-istat diżastruż tat-triq u x-xogħol ta’ malajr li sar fiha, ir-residenti tal-madwar qed ibatu wkoll minn irwejjaħ qawwija ta’ drenaġġ fil-baħar. Dan hekk kif jirriżulta li l-istrutturi eżistenti tad-drenaġġ mhux jifilħu għaż-żieda qawwija fil-popolazzjoni bil-bini sfrenat li tela’ fl-aħħar xhur.

U minflok ma ġew aġġornati dawn is-sistemi, baqgħu ħerġin il-permessi għall-proġetti, bil-konsegwenza li l-katusi taħt l-art mhux jifilħu għad-domanda dejjem tiżdied.

Kunsillieri eletti f’isem il-Partit Nazzjonalista ġibdu l-attenzjoni tal-Kunsill Lokali waqt laqgħa riċenti. Madankollu, filwaqt li ġie spjegat li x-xogħol għandu jsir mill-Gvern Ċentrali, dawn ġew infurmati li għalissa ma jista’ jsir xejn ħlief li l-Kunsill jibgħat xi ittra.

Fil-fatt, it-tmexxija tal-Kunsill Laburista qalet li f’każ li jinbidel il-Ministru responsabbli mis-Servizzi tal-Ilma, ma jkunx ċar lil min għandha tintbagħat l-ittra. Xi ħaġa li mhix minnha għax f’ċirkostanzi bħal dawn, l-ittri jintbagħtu lid-Dipartimenti konċernati u mhux direttament lill-Ministru.

Ikkummenta

Темы
ICO