logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Nepal

छापामा आज : गोप्य राखिएको लाल आयोगको प्रतिवेदनमा के छ ?

३१ साउन, काठमाडौं । राष्ट्रिय जनता पार्टीले संघीय संसदमा ६ महिनाअघि तराई मधेस र थरुहट आन्दोलनको छानबिन गर्न गठित गिरीशचन्द्र लाल नेतृत्वको जाँचबुझ आयोगको प्रतिवेदन सार्वजनिक गर्न माग गरिरहेको छ । यही विषयलाई लिएर गत महिना तीन साता प्रतिनिधिसभा बैठक अवरुद्ध भयो । सरकार भने अझै उक्त प्रवितेदन सार्वजनिक गर्न तयार छैन । किन त ?

कान्तिपुर दैनिकले आज लाल आयोगको प्रतिवेदन सार्वजनिक नहुनुको कारण खोतलेको छ । समाचार अनुसार, प्रतिवेदनले सरकारप्रति गम्भीर आरोप लगाएको छ । सरकारमाथि गम्भीर आरोप लगाएको प्रतिवेदनले मधेसकेन्द्रित दलहरूको भने प्रशंसा गरेको छ । मधेसवादी दललाई प्रतिवेदनमा उदारवादी, लोकतन्त्रवादी र वास्तविक राष्ट्रवादी शक्तिका रूपमा चित्रण गरिएको कान्तिपुरको दाबी छ । प्रतिवेदन सार्वजनिक नगरी राख्नुको मुख्य कारण यही भएको कान्तिपुर समाचारको सार छ ।

कान्तिपुरले लेखेको छ– आयोगले सरकारलाई बुझाइसकेको तर सार्वजनिक नगरिएको प्रतिवेदनमा अधिकारका लागि भएका शान्तिपूर्णृ आन्दोलनमा दमन गरिएको उल्लेख छ । जिम्मेवारी पूरा नगर्ने, प्रदर्शनकारीमाथि गोली हान्न आदेश दिने तथा आदेश पालना गर्ने तत्कालीन प्रहरी र स्थानीय प्रशासनका कर्मचारीमाथि अनुसन्धान र कारबाही गर्न पनि सिफारिस गरिएको छ । प्रतिवेदनमा आन्दोलन हिंसात्मक बन्नुको मुख्य दोष सरकारलाई देखाइएको छ । आन्दोलनकारीको कुनै कमजोरी उल्लेख छैन ।

जाँचबुझ आयोगमा पूर्वनायब महान्यायाधिवक्ता सूर्य कोइराला, नेपाल प्रहरीका पूर्वएआईजी नवराज ढकाल, राष्ट्रिय अनुसन्धान विभागका पूर्वएआईजी सुखचन्द्र झा, वरिष्ठ अधिवक्ता सुजन लोप्चन सदस्य र गृह मन्त्रालयका शान्ति सुरक्षा महाशाखा प्रमुख सदस्य सचिव थिए । आयोगले १४ महिना लगाएर प्रतिवेदन तयार गरे पनि अहिलेसम्म सार्वजनिक गरिएको छैन ।

महिना नपुग्दै भत्कियो धनगढी चक्रपथ
धनगढी उपमहानगरपालिकामा बनाइएको चक्रपथ एक महिना नपुग्दै भत्किन थालेको छ । सुदूरपश्चिम प्रदेशको राजधानी रहेको धनगढीमा निर्माण गरिएको चक्रपथको ८ दशमलव ९ किलोमिटर सडक १ महिनामै भत्किएको नागरिकले लेखेको छ ।

मिलेमतोमा गुणस्तरहीन काम भएकाले एक महिनामै सडक भत्किएको नागरिकको ठहर छ ।

करिब १० करोड रुपैयाँ लगानीमा भन्सारदेखि राजपुरसम्मको ८ दशमलव ९ किलोमिटर खण्ड निर्माण गरिएको एक महिना नपुग्दै भत्किन थालेपछि स्थानीय निरास बनेका छन् ।

मन्दिरको ५ बिघा जग्गा कब्जा

जनकपुरधामस्थित हनुमान मन्दिर शृंगार भवनको साढे ५ बिघा जग्गा व्यक्तिका नाममा दर्ता गरिएको तथ्य अन्नपूर्णले प्रस्तुत गरेको छ ।

जनकपुर उपमहानगरपालिका–१९ र साबिकको बेंगासिहपुर–७ (क) स्थित कित्ता नम्बर ४८८ को ५ बिघा १० कट्ठा र कित्ता नम्बर ४८९ को १७ धुर व्यक्तिका नाममा नामसारी भएको हो ।

एक अर्बभन्दा बढी मूल्य पर्ने जग्गा मालपोत कार्यालयका कर्मचारी र भूमाफियाको मिालेमतोमा व्यक्तिका नाममा दर्ता गरिएको समाचारमा उल्लेख छ ।

बिहीबार दिवंगत भएका साहित्यकार मदनमणि दीक्षितको व्यक्तित्व र कीर्तित्वको चर्चा आजका सबैजसो दैनिक पत्रिकाहरूले गरेका छन् । अन्नपूर्णले उनलाई आख्यानका माडसाब भनेको छ । त्यस्तै गोरखापत्रले मदनमणिलाई साहित्य र पत्रकारिताको मणिको संज्ञा दिँदै उनको निधनबाट देशलाई अपुरणीय क्षति पुगेको उल्लेख गरेको छ ।

प्रधानमन्त्रीको स्वास्थ्यमा देखिएको समस्या र कर्णाली प्रदेशका भौतिक पूर्वाधार विकासमन्त्री खड्गबहादुर खत्रीको बर्खास्तगीलाई पनि आजका पत्रिकाहरूले प्राथमिकतापूर्वक पहिलो पृष्ठमा छापेका छन् ।
हेर्नुहोस् आजका पत्रपत्रिकाका फ्रन्टपेज

All rights and copyright belongs to author:
Themes
ICO