logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Papua New Guinea

Ol Digicel Kap tim redi long Men ov Ona raun

Taim bilong wet long Men ov Ona Raun long dispela Sande bilong Digicel Kap resis.

Ol pilaia bilong tripela tim i bin amamas long kisim wanpela woksop bilong kamapim bel isi long Fonde long Pot Mosbi.

Bikpela toktok bilong dispela woksop em “Play to Build Peace” we Digicel PNG Faundesen i bin go pas long dispela woksop na Eddie Aila bilong Aila Konsalten na Ruth Kissam bilong PNG Tribal Foundation i bin ranim.

Bikpela tingting bilong woksop em long helpim tingting bilong ol pilaia na ol opisel long wei bilong strongim pasin bilong bel isi na nogat vailens wantaim ol sesen bilong toktok wantaim i go i kam long helpim ol long mekim stretpela pasin long tim bilong ol na long bihainim ol spot kod o lo bilong spot long ol komyuniti bilong ol.

Em i bin gutpela ekspiriens bilong ol pilaia na i mekim ol long luksave long bikpela wok ol ragbi pilaia i gat olsem ol rol model o piksa na tu i helpim ol long soim pasin bilong lidasip long daunim pasin vailens long taim bilong pilai na tu ausait long pilai graun.

Kepten bilong Gulf Isou, Moore Evara, i tok em i lainim planti samting insait long woksop na em i amamas long Men ov Ona (MOH) kempen. Evara i tok olsem em i taim nau long ol pilaia i sanap olsem man tru na tokaut egens long pasin bilong vailens we i wok long stap long komyuniti. Em i mas stat wantaim ol pilaia bilong ragbi lig.

“Dispela woksop i opim ai bilong ol pilaia. Mipela lainim rot bilong vailens na mipela i luksave olsem mipela tu i stap insait long dispela rot. Mipela ken stopim dispela rot wantaim ol awenes olsem na mi save olsep dispela woksop bai helpim mipela ol pilaia long kamap gutpela piksa bilong ol yangpela long bihainim mipela,” Evara i tok.

Ol tim i wok long mekim ol narapela ektiviti long redi long MOH Round (Round 11) long kamap olsem hap bilong  Digicel Kap Resis long Nesenel Futbal Stedium long dispela Sande.  Long dispela raun, ol tripela tim bai putim dispela spesel kain Men ov Ona (MOH) jesi long kamapim moa awenes long dispela impoten enti-vailens kempen.

Ol tripela tim em NCDC Pot Mosbi Vipers, Central Dabaris na PRK Galp Isou. Namba foa tim we bai stap insait long dispela raun em Enga Mioks tasol ol i bin i no inap kamap bikos long sampela hevi i bin kamap long ol.

Digicel Foundation CEO, Serena Sasingian, i tok ragbi lig em opisel spot bilong Papua Niugini na planti pipel i save laik long bihainim. Planti yangpela man i gat tingting long pilai long makim na ol i save lukluk long ol narapela i go pas long ol na i save sapotim olgeta. Sasingian i tok em i bikpela samting long Digicel Faundesen Men ov Ona kempen long yusim Digicel Kap long salim toksave bilong kamapim bel isi i go aut.

“Ragbi em i wanpela pilai we i save mekim ol man i pas pas long bodi we sampela taim em i save kamapim pait insait long taim bilong pilai na long ausait tu. i bin gat sampela hevi i kamap we mipela i bin lukim na bagarap i kamap we i daunim gutpela nem bilong ol pilaia na dispela spot tu. Mipela hop olsem taim mipela i kamapim ol kain rot olsem long trenim na kamapim moa toksave, dispela kempen bai opim ol dua blong ol velu bilong MOH long go long senisim pasin bilong ol lain i kisim skul, ol pilaia, ol menesa na ol opisel bilong Digicel Kap na ragbi lig. Namba tu samting em olgeta pablik manmeri olsem ol sapota na ol lain i lukim gem,” Sasingian i tok.

Sasingian i tok tenkyu long PNGNRLC menesmen na ol ekseketiv long wok poroman wantaim Digicel Kap Raun 11 long kamap olsem MOH Raun.

Men ov Ona em i wanpela kempen egensim vailens, wantaim ol stori bilong ol man nating bilong PNG long mekim ol narapela kain samting long senisim ol komyuniti olsem ol man, na long kamapim gutpela senis.

All rights and copyright belongs to author:
Themes
ICO