NAALIS agad sina University of Santo Tomas guard Sherwin Concepcion at Allen Liwag ng Emilio Aguinaldo College sa binubuong Gilas Pilipinas pool na nagsasanay para sa nalalapit na pagsabak sa 19th International Basketball Federation (FIBA) 2023 World Cup Asian Qualifier sa Moro Lorenzo Gym sa Quezon City.
Nakasanay si Liwag sa training squad mula noong Hunyo 1 habang si Concepcion ay dumalo nitong Hun. 4 bago nagsagawa ng paglimita sa koponan si coach Nenad Vucinic.
Mga natira sa pool sina naturalized center Ange Kouame, Korean Basketball League-bound SJ Belangel, NCAA Season 97 Rookie-MVP Rhenz Abando, at UAAP standouts RJ Abarrientos, Carl Tamayo, at Geo Chiu.
Kasama rin sina 2022 Hanoi Southeast Asian Games silver medalists Will Navarro, LeBron Lopez, at Thirdy Ravena.
Sokpa rin sina dating Philippine youth team 3×3 bet Kevin Quiambao at Gilas Youth stalwart Caelum Harris.
Babalik sa pool sina Ricci Rivero ng UP at 6-foot-8 Kemark Cariño. Hindi din sigurado kung lalaro ang Japan B. League star na si Dwight Ramos.
Maglalaro ang Gilas Pilipinas para sa 2023 FIBA World Cup Asian qualifiers third window laban sa New Zealand sa Hunyo 30 sa Auckland kasunod ang laban sa India sa Hulyo 3 sa Mall of Asia Arena. (Lito Oredo)
