Samoa
This article was added by the user . TheWorldNews is not responsible for the content of the platform.

Fa’asala le ave ta’avale na maliliu ai tagata faigaluega a le StarKist Samoa i le 2021

Ads by Google Ads by Google

Pago Pago - AMERIKA SAMOA

E 20 tausaga ua fa’asala ai e le Fa’amasinoga Maualuga le ave ta’avale o le ta’avale saosaoa lea sa maliliu ai tagata faigaluega e to’afa a le StarKist Samoa i luma o le kamupani i le vaveao o le aso 17 o Tesema, 2021.

O le taeao o le Aso Tofi, Iuni 8, 2023, i luma o le afioga i le sui fa’amasino lagolago ia Elvis Patea ma ali’i fa’amasino lagolago ia Muasau Tofili ma Paepae Faiai, na fa’atoese ai le ua molia ia Chanel Lafua i aiga o ali’i e to’afa na maliu fa’afuase’i i le fa’alavelave.

I totonu o le potu fa’amasino sa i ai ta’ito’alua ma fanau a i latou ua maliliu, o Faasaulala Ahoni, Ierome Vili, Alatina Faleasi ma Taumaoe Olive.

Na taua e Mrs Vili e fa’apea, ua tolu nei tausaga talu ona tula’i mai le fa’alavelave ma o se taimi muamua lea ua fa’afofoga ai i se tala a le ua molia.

Fai mai, sa ia manao i se faamasinoga tonu mo le maliu o lona toalua ma e saunoa foi mo aiga o isi alii na maliliu ona o le faatamala o Lafua. Sa ia talosaga ina ia faasalaina le ua molia i le falepuipui mo le olaga atoa.

I le tuuina atu o le faasalaga, na taua ai e le Sui Faamasino Lagolago ia Patea, o gaioiga a Lafua sa faia e le mafaufau ma le faatamala ua mafua ai ona maliliu le toafa.

Ae na ia ta‘ua a o taumafai aiga o i latou e toafa na aafia i se faasalaga faafalepuipui mo le olaga atoa, e le’i molia le ua molia i le fasioti tagata faamoemoeina, ae o le fasioti tagata i le taavale.

Ona fa’asala lea e Patea ia Lafua i le lima tausaga mo le maliu o ali’i e to’afa mo le aofa’i e 20 tausaga i le falepuipui.