Samoa
This article was added by the user . TheWorldNews is not responsible for the content of the platform.

Fa'atupula'ia auga fa’ama’i pei o le “flū” i tamaiti ma tagata matutua

Pago Pago - AMERIKA SAMOA

I se fonotaga a le puleaga o le LBJ Medical Center ma le au tusitala, ae maise le au fa’asalalau i le atunu’u sa fa’ailoa ai e fa’apea o se su'esu'ega na faia e le falema'i i se taimi lata mai nei, na maua ai le maualuga o auga o le fa’ama’i e pei o le “flū” i tamaiti laiti ma tagata matutua ua o’o atu i le LBJ. 

Ae peitai, o ia tulaga o le “flū”, e le o ni aafiaga i le fa’ama’i fou, ua fa’aigoaina o le “respiratory syncytial virus, le RSV”, e pei ona fa’alauiloa e Dr. Ledua Akapusi, o ia o le ta’ita’i le tumau i le tofiga foma’i sinia i le LBJ. 

Fa’ailoa e Dr. Akapusi, ua vaaia i le LBJ le tele o gasegase o loʻo iai auga pei o le “flū”.

“Ma o loʻo matou vaʻai faʻapitoa i le faitau aofaʻi o fanau iti  ua matou faia suʻega pe o ni faʻamaʻi o le RSV, aua matou te iloa o se faʻafitauli lea i Amerika,” o se saunoaga lea a Dr. Akapusi i le fonotaga ma le au tusitala, ae maise le vaega fa’asalalalu i le atunu’u.

Saunoa Dr. Akapusi e fa’apea, o le itu e laki ai Amerika Samoa e le o i ai ni fa’ama’i fa’amaonia o le RSV ua o’o mai i le teritori. 

“Ua uma fo’i ona faia matou suesueina i le gasegase mo le influenza A ma le influenza B - ma le mea lava e tasi - e leai ni fa’amoniga i lea matatupu,” o se tala lea a Dr. Akapusi. 

Ma sa ia fa’alauiloa o lo’o i si se “flū” fou i le teritori.

“Pau lava le mea o lo’o matou iloa o le to’atele o tagata ua a’afia i le “flū” ma ua atili ai ona a’afia ai fanau,” o se fa’amatalaga lea a Dr. Akapusi. Ma o loʻo aʻafia ai foʻi tagata matutua ua leva ona afaina o latou soifua maloloina. 

“O ituaiga gasegase ia o lo’o omai i le potu fa’afuase’i e fa’aopoopo i isi ma’i ma isi ‘auga e o’o mai i le potu fa’afuase’i; o i latou e i ai isi fa'afitauli tau fa’ama’i. O ituaiga na o mataupu e masani ona o'o mai i le matou potu fa'afuase'i, fa'aopoopo i le fa'atupula'ia o fa'ama'i pipisi,” o le fa'amalamalamaga lea a Dr. Akapusi.

I le tulaga o sapalai o vaila’au o le LBJ, fa’ailoa e Dr. Akapusi e leʻi uma sapalai i le taimi nei. Ae peita’i, talu ai nei o lo’o fa’aloaloa vaila’au, ae maise lava mo tamaiti.  Ma o lo’o fa’atalia le taunu’u o le uta o vailaau. 

Fa’amalamalama e Dr. Akapusi, o ma'i pei o le “flū” e le togafitia i vailaau fa'ama'i i le taimi lava lena - ae masani ona fesoasoani i le togafitiga e pei o le ave o Tylenol mo tiga ae o nisi taimi e te o'o ai i se tulaga e le aoga ai na fofo.

Ma o le taimi lea e avea ai e matua a latou fanau i le falema’i ona o loʻo manaʻomia e tamaiti ni vailaʻau faʻamaʻi. 

Na faaalia foi e le Pule Sili o le falemai ia Moefaauo Bill Emmsley, o se tulaga masani lava lea, ona e iai isi mea e faalagolago i ai e tulai mai i lea taimi ma lea taimi.