Samoa
This article was added by the user . TheWorldNews is not responsible for the content of the platform.

Faamavae pulesili o le LBJ ae maua atoa lona totogi mo le isi iva masina

Pago Pago - AMERIKA SAMOA

E ui ua faamavae mai le susuga a Moefaauo Bill Emmsley, mai lona tofiga Pule Sili, poo le CEO o le  falema'i LBJ, ae toe iva masina mae'a lana konekarate tolu tausaga, ae maua lava lona totogi atoa ma ana penefiti , e agavaa iai i luga o lana konekarate. 

Na faamaonia mai lena tulaga e le Loia a le falema'i, le susuga ia Thomas Jones i le feiloaiga ma le au faasalalau/tusitala lata mai nei. 

Na ta'ua e Jones: "O le konekarate e faalilolilo. Ma e le mana'o foi se tagata faigaluega e faailoa e sona pule lana konekarate, e le mafai foi ese pulega ona fai na tulaga, peita'i o loo taga lava ona totogi, i le taimi o lana konekrate, e le mafai ona faapa'ole iai."

O loo sosolo ai lava le laulau a le puleg ile maliega na saini ma le CEO, pei ona ta'ua e Jones.  

Na fesiligia foi le alii loia, pe faapefea le tulaga o le nofo ai o Moefaauo i le fale ae maua lava lona totogi mai tupe a tagata togi lafoga, peita'i o lana tali, e le'i solia e le CEO talu ai lana konekarate. 

"O le eseesega o manatu ma le vaai mamao mo le falemai, lesi faataitaiga i le esesega o manatu.  Ma e le'o se solia ai lena o lana konekarate. Ae sa faatino lana galuega i le mea e sili atu mo le falemai, ma o lana ia vaaiga mamao na iai, sa le mafai ona o gatasi ma le laulau ole pulega.” 

"A faapea e iai se mea e iloa ai le solia o lana konekarate faigaluega, e le agavaa ai i lona totogi, e fai lava iai le fuafuaga i lena taimi, peitai ole mea na tupe e le'o iai se tulaga solia o le konekarate.” 

"Ma e le mafai ona taofia le totogi o le tagata , o loo agavaa iai.  E leai se agavaa faaletulafono e mafai ai ona matou faia lena tulaga,” o le faamatalaga lea a Jones. 

Na fesiligia foi e le Samoa News i le faiga na faafaigaluega ai CEO i le iva masina talu ai, ma aiaiga na ave iai e le laulau a le pulega, ia aua nei toe tupu lea sese. 

Na ta'ua e le Taitaifono o le Komiti Faafoe a le LBJ, Dr. Malouamaua Tuiolosega o ia lava e pa'u iai le faafaigaluegaina o Moefa’auo. 

"Na mama lava le filifiliga na faia e le Laulau, ma oute tamau lava i le (matou filifiliga). ae mo le agai i luma e iai lava mea e le mafai ona faailoa i luga o lau resume, ma talaaga o lou soifua galue, tusa lava pe iai ni faaletonu, peita'i e leai lava se solitulafono na maua ai," i lana faamatalaga lea. 

Ae mo le aga'i i luma, na saunoa le Taitai fono, mo le aga'i i luma o le a vaai i auala e faaleleia ai le latou galuega, i le faafaigaluegaina o sesi tagata e mafai ona ia faatinoa le galuega faa CEO. 

"Tusa lava pe su'e mai se isi i fafo," pei ona saunoa Dr. Tuiolosega.

Na faailoa ane foi e Dr. Joseph Shumway, le Acting Chief Medical Officer, o ia sa tuu e faigaluega ia Iulai o le tausaga talu ai, ae sa fua lava i le taimi a le CEO. 

"Sa manino lava le faatonuga a le laulau a le pulega na ave ia Bill Emmsley ile mea e fai, ma o la'u ia tala mo a'u, aisea na oo ai i le ono i le fitu masina o faatali le taimi oute amata ai?  

"Aisea na umia ai ona faatali, pe a mafaufau atu iai,  masalo e ese lava foi le mafaufau o Bill, nai lo le manaoga o le laulau a le pulega sa iai. 

"E iai le eseesega , ole faafaigaluega ose tagata, ma le manatu e   o le'a o faatasi le futia male umele, poo le talitonuga foi e faatino se misiona ia lanutasia ai se taunuuga, ma faia se maliega, ae mulimuli ane e ese lava le itu e agai iai lena tagata na lana ia foi galue, o metotia ma ia musu.  O iina tonu lava e tupu ai le faafitauli."

Na saunoa foi le Sui Taitaifono, Dr Jean Anderson, o lona mana'o ia talitonuina e tagata o Amerika Samoa le laulau a le pulega ma suiga ua latou faia. 

"E iai lava o tatou aleu; ae talitonuina lava tatou. Pe a manatua  e tatou tagata, o Mr. Emmsley sa avea ai ma totino o le laulau a le pulega. 

"O tatou uma lava i lenei misiona, ma le mafuaaga, e tasi lava le tatou iloa o le avea ai ma totino o le laulau a le pulega. 

“Ma faamanatu atu foi i o tatou tagata, sa tulaga maualuga foi le tula'i mai a le laulau a le pulega, aemaise ole iai o se tasi sa galue foi i le laulau a le pulega, e gafa ma le misiona. 

"O le matou manatu na iai , i le uma ane ona iloilo isi tusi talosaga, ma faasolo atu i le faatalanoaga, na faia mo le lelei o le falema'i. 

"Ma o le maliega foi lena sa matou loto uma iai. Ma o le matou tala lava lea sa faia i lena taimi, ua manino lava, o le misiona lea - ia onosa'ia ma agai i luma - ae peita'i e le fua mai pe'a avea ai lava Mr. Bill ma CEO.”

Saunoa Dr. Anderson, "mo tagata o Amerika Samoa e aumai le faatuatuaga ia matou,"

O ISI MATAUPU

I le faamatalaga aloaia mai le Acting CEO, Dr Ledua Akapusi, faatatau i aafaiga o tagata o Amerika Samoa mai afa ma galulolo. 

“O le taimi nei ua tatou feagai ma lu'itau ole tausiga o le soifua maloloina, e mana'omia ona toe faaleleia. O le manuia e fua mai i tatou galuega ma le loto iai e faaleleia le LBJ. O le Laulau a le Pulega."

O ta'ua i le faamatalaga aloaia, lea, O Dr Ledua ma Dr. Shumway ua malilie atotoa i le faaleleia o soifua o tagata uma o Amerika Samoa. 

"O lesi faaopopoga fou ua iai, le Non-acute clinic na tatala aloaia lata mai nei, mo le faaititia o taimi e faatalitali ai gasegase ile ER. 

"E 12 tagata faigaluega fesoasoani i le falemai physicians e fia faafaigaluega ma le silia i le 20 avanoa mo ni tausi soifua i le LBJ ua uma ona faamoania. 

"O le a fesoasoani tele le aufaigaleuga fou lea i le tausiga ole auaunaga faalesoifua maloloina i Amerika Samoa. 

I le faamatala lava lea, ua ta'u mai ai le faaaoao o tausi soifua ma foma'i ia faatititia ai le utituti o le aufaigaluega i le lumana'i. 

“O le masina lenei, e toa fa tamaiti aoga faafoma'i i le Iunivesite i Fiti, o loo lagolagoina e le LBJ ma le Ofisa ole Kovana. 

"O le uma ai o latou aoga ma toe foi mai i Amerika Samoa e galulue ai mo tupulaga o lumana'i. 

"Ua tatau ona tatou mataitu alumaga o manaoga o le soifua maloloina i lenei vaitaimi, ma tapena ai mo le lumanai o fanau." 

O se galuega e mana'omia ai le fesoasoani faitele, pei o taitai o le malo ma tagata lautele. 

"Tatau ona tatou aveese le faaluafesasi o auaunaga ma faiga faaalatua. Ae tatau ona taula'i itu lelei, e manuia ai galuega o le lumana'i. O le mea e tatau ona tatou faia mo le lumanai o tatou tagata.  

"O tatou le aso, e faia o tatou tiute ma le augofie e tautua ai tagata o Amerika Samoa.  O le faatuatuaga ma le tiute,  ose faamanuiaga ua aumai i le laulau a le pulega ma taitai o le LBJ. 

FAAMATALAGA

I faamaumauga a le Samoa NEWS, ole tausaga faaletupe, FY 2023 a le LBJ, o lisi poo faamauina ai le totogi o le CEO, e $119,995.  Na fesiligia i le taimi o le faatalanoaga ole tupe faasoasoa a le Fono ia Setema, i le mafuaaga ua toeititi lava tutusa ma le totogi o le Lutena Kovana - na'o le $5 e laititi ai. 

Na ta'u e le faaulu o le LBJ Board i le maota , sa latou mataituina foi, tagata faigaluega ese mai sa tele atu latou totogi nai lo le CEO.  Ole totogi o le CEO na iai, sa $135,000.

Saunoa  Dr. Tuiolosega: "Na manatu le laulau a le pulega , e le tatau ona sili atu le totogi o se tagata faigaluega nai lo le CEO," ma faatulaga ai loa le totogi fou o iai nei."