Samoa
This article was added by the user . TheWorldNews is not responsible for the content of the platform.

Lipotia mai le LBJ le ma’imau o avanoa ma tupe

Pago Pago - AMERIKA SAMOA

E lata ile miliona tala Amerika o loo totogi ai leoleo po (Security Officers) a le falemai LBJ, pe a ma le to’a 62.

“E tusa ai ma tulaga tau i galuega faalesoifua maloloina, ma fuafuaga mo le saogalemu ole Maota gasegase, ole fa’aaluina o le miliona tala mo ni leoleo po e 62, pe a fua i foliga vaaia o le LBJ , e le’o talafeagai,” e pei ona ta’ua i totonu o se ripoti suesue a le LBJ i tulaga o tagata faigaluega (Investigation Report LBJ Tropical Medical Center Human Resources Department (2019 – 2022).

O le lipoti o le suesuega lena na afua ai ona faamuta le auaunaga a le Faatonusili o le Ofisa o Tagata Faigaluega (HR Director), o Dr Akenese Nikolao. 

E 18 itulau o le lipoti, o loo aofia ai ma faamatalaga na faia ile taimi o le su’esu’ega aga’i ia Dr Nikolao, faatatau i ni auala le talafeagai, sa le tutusa ai lona talulimaina o ni talosaga atu mo ni avanoa faigaluega ma auala na uia. 

I le lipoti o ta’ua ai, o le tausaga e 2020 ina ua amata tapu o le COVID, “e faatoa to’atele lava lena o ni sikulaki ua faafaigaluega.

O le 2020, e 312 talosaga na oo ile Ofisa HR, ae na o le 23 avanoa.  E tolu tagata na avatu e faa sikulaki, ae ese isi galuega na faafaigaluega ai.”

E iai lesi vaega na faafaigaluega e to’a 15, ae leai se lisi o tagata faaopopo na i le Lisi o Tagata Faigaluega mai i le Ofisa o Sikulaki. 

“Ma ua sootaga lava ma tuuaiga lea faapea sa iai tagata na avatu e faa sikulaki, peitai na ave i isi vaega o le falema’i,  e.g. as Orderlies,  ae leai se faamaoniga aloaia ma ni saini.”  

O isi vaega na maua ane i faamaumauga:

O le totogi maualuga lava o le Chief Security Officer $34,465 (22 tausaga); Security Officer Lead $21,673 (30 tausaga); Security Supervisor $20,009 (10 tausaga); Security Officer IV Lead $18,990 (14 tausaga); Security Officer IV $19,947 (24 tausaga); Security Officer $17,700 (10 tausaga) 14; Security Officer $16,286 (13 tausaga) ma le Security Officer $15,080 (8, 7, 5 , 3 tausaga).

“ Ua tutusa le totogi o le sikulaki valu tausaga ma le tagata faatoa faigaluega atu. O le totogi atoa o sikulaki e toa 62 =  $980,699.20 ile tausaga,” pei ona lipotia.

“Ua ova le faatamala o lea gaioiga, ole faatamala o le HR Director I le faatinoga o lona tiute o le vaavaai ma lipoti tupe faatatau mo le aufaigaluega a le falema’i. O lea faatatau ua afaina ai foi ma le taumafaiga a le LBJ, o le ave o le  faataua i gasegase, ma ia atoatoa ,  le auaunaga e sili atu, ma ia gafatia le tau e faafoefoe le auaunaga mo tagata uma.”

I le lipoti lava lea o loo ta’ua ai foi nisi o valoa’aga e faaaoga lava e Vaega tau Soifua maloloina pe’a fuafua le aofai o sikulaki . 

“O le fua faatatau o se falema’i e tatau foi ona vaai le sikuea futu, o le aofai  o moega ua faalaiseneina, o potu faapitoa (psychiatric unit and trauma unit), ma tagata faigaluega patrol ma latou e tali atu i manaoga.