Samoa
This article was added by the user . TheWorldNews is not responsible for the content of the platform.

Poloketi fou $2 miliona Malae Vaalele i Tafuna

Pago Pago - AMERIKA SAMOA

E $2.46 miliona le konekarate a le Woolpert AEG e iloilo ai, fuafua ma tusia le ata o se fale fou o le malae vaalele faavaomalo i Pago Pago - le malae va’alele i Tafuna. 

O lea poloketi a le malae va’alele na fa’amaonia mai i le Samoa News e le fa’atonusili le tumau o le Matagaluega o Uafu ma Malae Va’alele ia Falenaoti Loi-On Fruean.

“O lo’o fa’atali le konekarate mo le saini fa’ai’u a le Ofisa Sili o Fa’atauga (CPO),” o le saunoaga lea a Fruean e tali mai ai i fesili a le Samoa News i lenei mataupu. 

O le kamupani a le Woolpert AEG e fa’amautu i Amerika. 

Fa’ailoa e Fruean e fa’apea o le Fruean o le aofa’i atoa o le tau o le poloketi e sili ma le $2.46 milion. 

Ma o le umi o le konekarate e 180 aso mai le Faasilasilaga e Fa'aauau. Ua le gata i lea, o le konekarate o loʻo faʻatali le saini mulimuli mai CPO, ona tuʻuina atu lea o le Faʻaaliga e Amata le Galuega - “Notice to Proceed”

E le o manino pe toafia kamupani na tuuina atu tauofoga mo lenei galuega.

Ua lipotia mai e le aufaasālalau i fafo e faapea o le Pule Sinia o Poloketi ma le Lagolago Sinia Curtis Brown na faapea o le vaega o iloiloga na amata i le masina nei.

E le o le taimi muamua lea ua sainia ai e Woolpert se konekarate ma le Matagaluega o Uafu ma Malae Va’alele.

“Sa matou galulue faatasi ma le malo o Amerika Samoa i nai tausaga ua mavae, i le toe fausia ma le faalauteleina o alasese, ma matou te talisapaia moni a latou aganuu ma tulaga faatauaina, faapea foi ma o latou manaoga ma le tele o mea e mafai ona maua,” o se tala lea a Brown. 

O le tausaga e 2018 na sainia ai e Woolpert ni konekarate se lua ma le Pulega o Taulaga e iloilo ma toe fa’aleleia le alasesee i le malae va’alele i Tafuna, fa’atasi ai ma le poloketi i le malae va’alele i Ofu.