Samoa
This article was added by the user . TheWorldNews is not responsible for the content of the platform.

Suiga taufa’aofi o le Fa’avae o Amerika Samoa fa’atatau ia Swains Island

Pago Pago - AMERIKA SAMOA

O le Fono Lona 6 o le Fa'avae o Amerika Samoa, i le vaiaso na te'a nei na fa'amaonia ai le aia tatau mo le faipule o Swains Island e palota ai i totonu o tauaofiaga a le Maota o Sui. 

O lenei teuteuga e lei fa’auluina atu e le Komiti o Iloiloga Faavae ma e le o se vaega foi o teuteuga e valu na faatulai mai, ae na faia e le sui usufono ia Togiola T.A. Tulafono le lafo ina ia aofia ai ma lenei teuteuga faapitoa mo le faamaoniga, ma ta’ua ai ua oo i le taimi e tatau ai ona tuuina atu i le faipule o Swains Island le aia e palota ai i totonu o le Maota. 

I le fa’avae o lo’o i ai nei e mafai ai e le faipule o Swain Island ona palota i totonu o komiti a le Maota o Sui, ae le mafai ona palota i pili ma ‘iugafono pe a tuuina atu i luma o le Maota mo lona palotaina.

Ma o se vaaiga lenei i le fa’aupuina o, suiga taufaaofi o le fa'avae e tu'uina ai le aia tatau e palota ai i le sui o le Motu o Swains. 

O lo’o fa’ailoa e fa’apea o Swains Island ua silia i le selauonosefuluono tausaga talu ona avea ma Territory o le Iunaite Setete, ina ua ona aofia i le lisi o Atumotu o Guano e iai le sootaga i le Iunaite Setete, lea ua faamauina i le Tulafono a le Konekeresi na faamaonia i le aso 18 o Aokuso, 1856. 

E ala i se I’ugafonosoofaatasi a le Konekeresi ia Mati 4, 1925, na faalautele atu le pule a le Iunaite Setete ia Amerika Samoa ia aofia ai le Motu o Swains ma tuuina atu ai i lalo o pulega faafoe ma pulega faafaamasinoga a le malo ua faavaeina i totonu o lenei teritori e le Iunaite Setete, muamua i lalo ifo o le Fua o le Navy o le Iunaite Setete se ia oo i le 1951, ina ua suia i le Matagaluega o le Initeria.

O le popo mai le Motu o Swains sa fesoasoani tele i le faaosoina o le tamaoaiga o le teritori fou o Amerika Samoa.  I le faaitiitia o le gaosiga o le popo i le vaitausaga o le 1960 na fausia ai fale i’a o le tuna i Tutuila. 

O le maualuga o le mana'omia o tuna mai le fale'apa na mafua ai ona faama’oti sone faapitoa tau tamaoaiga (EEZ) i le va o atunu'u o le Pasefika i Saute i se taimi o le 1970. O ogasami o Swains na aumaia ai le tusa ma le selau ma ona tupu afe mailafaatafafā o le vasa ma e tusa ma 1/3 o le sone o Amerika (US EEZ) i le Pasefika i Saute.

Ua silia le 60 tausaga, o gata le leo o Swains i totonu o le Malo o Amerika Samoa i sona sui i le Maota o Sui e leai sana palota i totonu o le Fono Faitulafono a Amerika Samoa. O lenei faiga faaupufai o malo ua tele sona sao i tulaga faaletonu o le motu o Swains i aso nei.  Ua faamalosia tagata e tuua o latou aiga ona o le le lava o ala femalagaa’i, fesootaʻiga, ma atiinaʻe masani e tausia ai le soifua.  O la latou gagana, aganuu, tu ma aga masani, ua mou atu ma toetoe lava a galo atu i le Teritori.

Ina ia mafia ona toe amatalia le toe faaolaolaina o le motu o Swains i lona tulaga sa iai ma le tulaga tonu i le teritori o Amerika Samoa, e ao ona faamaonia se Suiga Taufaaofi o le Faavae Toe Teuteuina o Amerika Samoa e tuuinaatu ai le aiatatau e palota ai le Sui o Swains i le Maota o Sui.

Vaega II  Fono Faitulafono, Maga 2 Totino o le Fono Faitulafono, o le Fa'avae Toeteuteina o Amerika Samoa ua iai suiga e faitauina faapea:

O le a toe “fa’atulaga” e le tulafono le aofa’i o senatoa o le Maota Maualuga ma faipule o le Maota o Sui i se vaitimi e le itiiti i lo le 5 tausaga.  O tagata matutua nofonuu o le Motu o Swains o i latou o Nesionare o le Iunaite Setete, latou te filifilia i se fono e ofi i ai tagata uma so latou e usufono I le Maota o Sui, e maua e ia aia uma lava e maua e faipule o le Maota o o le Maota o Sui.