Samoa
This article was added by the user . TheWorldNews is not responsible for the content of the platform.

Tama matua 76 tausaga, tu’uaia faia o uiga mataga i se teineitiiti 10 tausaga

Pago Pago - AMERIKA SAMOA

O se ali’i e 76 tausaga le matua mai Puapua o lo o tu’uaia i le faia o uiga mataga fa’afeusuaiga i se teineitiiti e 10 tausaga le matua; ae o le tina o le teineitiiti na taofia foi ona o le le lipotia o le sauaina i leoleo ina ua uma ona faailoa e le pule aoga a lea teineitiiti.

O lo’o fa’ailoa i le tagi a le malo i le fa’amasinoga e fa’apea, o le o le aso 5 o Me, 2023, na maua ai e le Ofisa o Leoleo i Tafuna le telefoni mai se tasi o sui pule o le aoga tulagalua a le malo, e talosagaina ai se latou fesoasoani mo se tasi o a latou fanau aoga e 10 tausaga le matua, lea o lo o tu’uaia ai le faia o uiga mataga i le fale i Puapua.

Mo le puipuia o le teineitiiti na aafia o le a le fa’ailoa ai e le Samoa News le suafa o le ua molia, ona o lenei mataupu na tulai mai i le fale o le alii na aafia. 

I le tagi a le malo i le fa’amasinoga, e 9 moliaga o lo o tu’uaia ai le ua molia e aofia ai le faia o uiga mataga i le tulaga muamua, lea e 3, e tasi le moliaga o le taofiofia o solitulafono mamafa, tolu moliaga o le faia o gaioiga e ono lamatia ai le soifua manuia o se tamaititi, ma moliaga e lua o le nofosala i le falepuipui.

O lo’o auiliili mai i le tagi a le malo lenei mataupu ma le mea na tupu. Ma o lo’o lipotia e leoleo fa’amatalaga a le teineitiiti i le mea na tupu amata atu i le amata o le masina o Me. 

E tusa ai ma le tagi a le malo, na taua ai e le faiaoga a le tamaitai na aafia e faapea, i le Aso Lulu, Me 3, 2023 pe tusa o le itula e 08:00 i le taeao, na alu atu ai le tamaitai na aafia ia te ia ma fesili i le tamaitai na aafia pe o i ai se mea o tupu.

Ona faamatala lea e le na aafia ia te ia (le faiaoga) e faapea, i le taeao ae lei sau i le aoga, sa tago atu le uo a lona uncle ia te ia ma le le talafeagai. Na taua e le faiaoga lona popole tele i le saogalemu o le tamaitai na aafia, o lea na ia tuuina atu ai le mataupu i lona puleaoga.

Na fa’afesoota’i e le puleaoga le tina o le teineititi na a’afia i le aso lava lea e fa’amatala i ai le mea o lo’o tupu i lana tama teine i le fale, ma ia fa’ailoa i ai le mea e tupu pe a fa’aauau pea ona aapa atu le tama’ita’i na a’afia mo se fesoasoani.

Ma i le aso 5 o Me, 2023, na toe alu atu ai le tama’ita’i na a’afia i le faiaoga e ta’u atu ai ia te ia le toe tago atu o le uo a lona uncle ia te ia ma fai ni uiga mataga ia te ia.

Na taua fo’i e le tama’ita’i na a’afia e fa’apea, sa ia mulimuli atu fo’i le ua molia ia te ia i totonu o le fale taele ma toe tago atu fo’i ma le le talafeagai ia te ia, ma fa’ailoa atili i ai o le a fa’atalitali mo ia pe a tuua le aoga.

I su’esuega a leoleo sa fa’atalanoaina ai le ua molia. I le taimi o le faatalanoaga a le ua masalomia, sa ia suia pea lana faamatalaga ma sa tetee o ia ma sa le mafai ona vaai mata ma leoleo. Sa tilotilo ifo pea i lalo ma ataata ma fai e pei o se mea e ata pe a fesiligia.