Samoa
This article was added by the user . TheWorldNews is not responsible for the content of the platform.

Tapunia galuega StarKist Samoa mo le lua vaiaso, amata ia Mati 18

Ads by Google Ads by Google

Pago Pago - AMERIKA SAMOA

E lua vaiaso lea o lo’o tapunia ai le-tumau le kamupani ale StarKist Samoa, ona o nisi o galuega o lo’o faia i le taimi nei, ma o le a afaina ai le tusa ma le 2,000 tagata faigaluega i le kamupani tuuapa ‘ia. 

Na fa’ailoa e ni isi o tagata faigaluega a le StarKist i le Samoa News i le amataga o le vaiaso na te’a nei, e faapea e tusa ma le 2 vaiaso o le a tapunia ai galuega i le kamupani ae fa’atautaia ai le fa’aleleia o fale ma le fa’aleleia, ina ua mae’a ona logoina e o latou ta’ita’i. Ma o ia konekarate sa tatau ona taunuu mai i fafo atu o le motu i le faaiuga o le vaiaso na tea nei, faatasi ai ma meafaigaluega, i le malaga togipau a le vaalele a le Hawaiian Airlines.

I le tali mai ai i fesili a le Samoa News, na faamaonia mai ai e le sooupu a le kamupani a le ofisa tutonu o le StarKist, Mitchelle Faist, o le a tapunia le tumau le StarKist Samoa mo le lua vaiaso “ina ia mafai ai ona faamaeaina le faaleleia” o nisi o mataupu i le StarKist Samoa. 

Ma o le mea lea, o le a “tapunia le StarKist Samoa e amata atu i le Aso To’ona’i, Mati 18. Ua matou fuafua e toe fa’aauau le gaosiga i le Aso Gafua, Aperila 3,” o le saunoaga lea a Faist i se fa’amatalaga tusitusia pu’upu’u i le aso Faraile na te’a nei, ae e le’i tali atu i isi fesili a le Samoa News -  e pei - pe o togipau e le StarKist le malaga mai Honolulu i le po o le aso Sa ua te’a a le Hawaiian Airlines. 

O le vaiaso na te’a nei na fa’alauiloa ai e le ofisa lotoifale a le Hawaiian Airlines se fa’aaliga e fa’apea, o le aso Sa, Mati 19, o le a fa’agasolo ai le malaga togipau fa’apitoa a le kamupani va’alele lea e malaga mai Honolulu, fa’apea ai ma le va’alele e toe foi i Honolulu - faatasi ai ma pasese. 

E le’i tali mai le ofisa o kamupani va’alele a le Hawaiian Airlines i Honolulu i le talosaga a le Samoa News e fa’amaonia o lea malaga mai Honolulu i le aso Sa sa togipau a le StarKist. 

E talitonu le Samoa News, na totogi e le StarKist le vaalele ina ua le mafai e konekarate ona maua ni nofoa i malaga masani a le Hawaiian Airlines mai Honolulu.