Samoa
This article was added by the user . TheWorldNews is not responsible for the content of the platform.

Tofia Komiti Faafoe a le LBJ ia Dr Akapusi Ledua, pulesili le tumau

Pago Pago - AMERIKA SAMOA

O foliga na o le faasee ese o le Susuga a Moefaauo Bill Emmsley mai le tofiga CEO i le afiafi o le Aso Faraile, ae faato'a valu masina talu ona tofia. 

I le pepa o faamatalaga mo ofisa faasalalau ole Aso Sa, na faamaonia ai e le Sui Taitaifono o le Komiti Fa’afoe a le LBJ, Jean Anderson lena laasaga. 

Na vaaia ai leoleo ole falema'i i le faitotoa o le ofisa o le CEO, a'o suia le loka ole ofisa. 

Ma ave iai le avanoa , ia oo atu i le 12 ile aoauli o le Aso Toonai ua aveese ana meatotino. 

"Mai le American Samoa Medical Center Authority Board of Directors, poo le Pulega ole laulau a Faatonu, ua latou faailoa mai i tagata ole teritori, o loo sologa lelei le falemai o le LBJ, ua iai le aufaigaluega o Tausi soifua, o Foma'i ma le au faigaluega e faaauauina le auaunaga atoatoa ona lelei i o tatou tagata. 

"Sa filifili e le Laulau Moefaauo Bill Emmsley e nate tauavea le manaoga o le laulau, ia faamautinoa e atoatoa le auaunaga faalesoifua maloloina mo gasegase ma le aufaigaluega, ma ia toe fatufatu ai le LBJ i le falemai e talafeagai mo tatou tagata. 

“Ina ia taunuu lena misiona ma le manaoga o le Laulau, ua loto faatasi ai Mr . Bill Emmsley ma le Laulau, o lana faamavaega , e sili atu lena mo le agai i luma o le LBJ" pei ona tusia i luga o le pepa faamatalaga. 

O le po o le Aso Faraile na feiloai ai le Komiti Faafoe ma talanoa ai ia Moefaauo e faamavaae ane, ina ua fesiligia e le maota lana taitaiga, ma manana'o ane le maota o faipule ma le maota ole Senate e faamavae.

Ta'ua e Ms Anderson, o le'a faailoa ane e le laulau o faatonu a le LBJ, faamatalaga auiliili ise latou faamatalaga faalauaitele i le vaiaso nei, i itu e faalelei ai, e aofia ai ma le toe faaopopo o Tausi Soifua ma Physicians ise taimi lata mai.

“E iai itu lelei mo le LBJ Medical Center poo le Falemai i Fagaalu a'o agai atu ile lumana'i, ae o galulue ai le Laulau faatonu mo le manuia o tagata ma le falema'i."

O le vaiaso talu ai na na fesiligia ai e le afioga i le Sentaoa Togiola T.A. Tulafono le laulau faatonu a le Falema'i, pe aisea ua le" faamalolo" ai le Ofisa sili o le Soifua maloloina ina ua savali ese Tausi Soifua ma o faatasi ma isi na tetee faasaga i le pulega o le Matagaluega ia Tesema 2022. 

Ole saunoaga a Togiola i le taimi o le suesuega  i le vaiaso talu ai, na o atu ai Dr Tuiolosega ma le Faatonu Sili Motusa Tuileama, ma le Teutupe sinia a le LBJ, Susuga Fala Sualevai.  Na maitauina e le Samoa News, e le'i iai le CEO i le suesuega, a le Senate , sa malaga i fafo. E le'i manuia le taumafaiga a le Samoa News e saili mai se faamatalaga a Moefaauo. 

Ma fesligia ai e le Senatoa le Taitai fono, o le falema'i, pe aisea na le faatino ai le matafaioi a le CEO ina ua uma ona savali ese Tausi soifua ma le falema'i. 

Ae na ta'ua e D. Tuiolosega, na lipotia e le Nusipepa le mataupu, sa talanoa e le Laulau, ina ua savali ese tausi soifua.  "Ua uma lava ona faatalanoa ma Moefaauo, i le taimi na tula'i ai i luma o le Laulau a le Pulega o le falemai, ma faailoa atu iai faanoanoaga i le mea na tupu. 

"Ma iloa ane ai e (mu'amu'a ) lava, e le'i tele sona taimi, ma e le'o matinoa foi e le CEO ana matafaioi," ile faamatalaga a Dr Tuiolosega, ma faasalavei atu e Togiola, "Aisea na le faasee ese ai pe'a fai e le agavaa i le galuega?”

Na toe fesili foi Togiola, "Aisea na le faamuta ai le auaunaga, pe'a le oo lona tulaga aoaoina i le avanoa?". 

Ae na tali Dr. Tuiolosega "Na'o Moefaauo e maualuga ona agavaa" ma atagaia le le fiafia o Togiola, "e a ea..." ma unaia le Taitaifono e faaauau lana talanoa. 

Na faamanino e le Taitaifono, e le tau siligia agavaa o le CEO peita'i o le auala e faatino ai lana galuega faa CEO, le pona'ia. 

“O lana faiga poo le auala e faatino ai ona tiute faa CEO" pei ona faamanino ane e Tuiolosega.  

Ta'ua e Anderson, o le manoaga o le Laulau a le Pulega o le Falema'i, o le faaauau ai o le misiona e siitia le tulaga tau soifua maloloina o tatou tagata, ma le agavaa e toe fausia ai le falemai o le LBJ, ia saogalemu ma lelei fale e  faatino ai le auaunaga.

Ua fili ai e le Laulau le Physician, ua silia i le 20 tausaga o galue i le LBJ, e fai ma Ofisa Sili lagolago ACeO, D. Ledua. Ua iai ona tomai faataitai, e talafeagai ai mo le galuega. 

Ma ua talia ai e le Laulau a le Pulega, poo le Board , Dr. Ledua ile tofiga Acting CEO, poo le sui ofisa sili. Ma ua tofia foi Dr. Joseph Shumway e avea ma  Acting Chief Medical Officer.

“O Dr. Shumway ua iai agavaa ma le poto masani, e fesoasoani i le faataunuuina o le manaoga, ia sili atu ona lelei auaunaga faalesoifua maloloina, e le gata mo gasegase ae o le aufaigaluega."