Samoa
This article was added by the user . TheWorldNews is not responsible for the content of the platform.

Tu’umalo le afioga i le Kovana Faaleitumalo o le Falelima i Sisifo;

Pago Pago - AMERIKA SAMOA

Ua ufitia nei Amerika Samoa i se ao pogisa ona o le tu’umalo a le afioga i le Kovana Faaleitumalo a le Falelima i Sisifo, le susuga Fuamatu Joseph Vito Fuamatu, i le faaiuga o le vaiaso na se’i mavae atu nei.

O lenei tala faanoanoa sa faamaonia mai i se faasalalauga mai i se tasi o ona alo tamaitai, o Jacinta Faumatu Mailo I luga o upega tafa’ilagi.

Na ta’ua e Jacinta, le agaga faanoanoa o si ona tina, le faletua ia Tinoi Fuamatu aemaise o nai ona tei, ia Evelyn, Iona, Tiseolyn, Jr. Fuamatu ma Tremayne aemaise le aiga faavauvau, i le faalauiloa mai o le o’o mai o le valaau pa’ia a le Silisili Ese i si o latou tama, Le Afioga i le Kovana o le Falelima, le Fa’asisina ma le Alalaimatuatala Fuamatu Joseph Vito Fuamatu.

Na fa’aalia e Jacinta le agaga faafetai ma le loto mafanafana e ala i faamaisega ma alofaaga mai i aiga, uo ma e pele ia i lo latou aiga.

“E ui i lo matou agaga faanoanoa i le toesea o si o matou tama, ae ua matou iloa ma o matou malamalama, o ia o se tagata o le Atua, o se tagata sa tu’uina atu lona ola atoa i le tautuaina o le ekalesia, nu’u, ma aiga,” o a Jacinta lea.

“E matou te manaomia a outou talosaga a’o matou feagai ai i le tapenapenaga o ona toe taimi”.

Sa faapea foi ona si’i mai e Jacinta se mau mai i le Tusi Paia, i le 2 Korinito 4: 17 – 18 “

O le afioga Fuamatu sa tofia e avea ma Kovana Faaleitumalo i le Falelima i Sisifo i le 2017, e le afioga Kovana Lolo Matalasi Moliga.

Sa tautua Fuamatu i totonu o vaega’au a Amerika, na avea foi o ia ma Senatoa mo le Itumalo a le Alataua ma sa galue foi I totonu o le Ofisa o Mataupu tau Samoa.

E momoli atu alofaaga ma faamaisega a le Samoa News I le faletua ia Tinoi Faamatu, le fanau faanoanoa aemaise le aiga faavauvau.