Views: 9
ដោយ:ទេព មង្គល / ភ្នំពេញ: ក្រសួងសុខាភិបាល នៅថ្ងៃនេះ បានប្រកាសជូនព័ត៌មានថា មានអ្នកឆ្លងជំងឺ កូវីដ-១៩ ជាវីរុសបំប្លែងថ្មី អូមីក្រុង ចំនួន ៧ នាក់ (លទ្ធផលបញ្ជាក់ដោយ PCR), ជាសះស្បើយ ៩ នាក់ និងអ្នកស្លាប់ថ្មី គ្មាន។ ក្នុងនេះ ករណីឆ្លងសហគមន៍ ៧ នាក់ ក្នុងនោះ ៦ នាក់ ជាករណីសុំវិញ្ញាបនបត្រ ចេញទៅក្រៅប្រទេស , ករណីនាំចូលថ្មីពី ក្រៅប្រទេស គ្មាន។
គិតត្រឹមព្រឹក ថ្ងៃទី ២៧ ខែកញ្ញា ឆ្នាំ២០២២ នេះ កម្ពុជា មានអ្នកឆ្លងសរុប ១៣៧.៨៥៦ នាក់ , អ្នកជាសះស្បើយ ១៣៤.៧២៤ នាក់ និងអ្នកស្លាប់ ៣.០៥៦ នាក់។ ករណីឆ្លងសហគមន៍សរុប ១៦.០៣៨ នាក់ , ករណីនាំចូល ពីក្រៅប្រទេសសរុប ២១.២៣៤ នាក់។
សូមរំលឹកថា បើគិតចាប់ពីថ្ងៃទី៨ ខែឧសភា មកដល់ថ្ងៃទី២៧ ខែមិថុនា គឺមានរយ:ពេល ៥១ ថ្ងៃជាប់គ្នា ដែលគ្មានអ្នកឆ្លងជំងឺកូវីដ -១៩ ថ្មី។ ប៉ុន្តែចាប់ពីថ្ងៃទី២៨ ខែមិថុនា ដល់ថ្ងៃទី ២៦ ខែកញ្ញា គឺមានអ្នកឆ្លងជំងឺ កូវីដ-១៩ ជាវីរុស បំប្លែងថ្មី អូមីក្រុង ជាថ្មីឡើងវិញ ចំនួន ១.៥៩៦ នាក់ ហើយជាសះស្បើយ ចំនួន ១.៥២១ នាក់។
សូមអានសេចក្ដីជូនព័ត៌មាន ដូចមានខាងក្រោម៖