logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
o
q
y
Nothing found
ICO
starBookmark: Tag Tag Tag Tag Tag
Spain

Mostras, música e deporte no día das Letras Galegas

n n n Iniciativas no ámbito musical, expositivo, cultural, literario ou deportivo encherán os actos de homenaxe á figura de María Victoria Moreno, a escritora á que se dedica o Día das Letras Galegas 2018 e que, a pesar de ser "estremeña de orixe", foi "galega de vocación". Así o explicou o conselleiro de Cultura, Román Rodríguez, durante a súa participación en Santiago na presentación do "ambicioso programa" de actividades para difundir e lembrar a figura de María Victoria Moreno, da que destacou, ademais do seu papel literario, a súa implicación no ámbito educativo.
Este programa de actividades, que agrupa iniciativas de diversos ámbitos e estenderase até final de ano, está organizado, ademais de por a Consellería de Cultura, pola Real Academia Galega, o Consello da Cultura Galega e a CRTVG. Román Rodríguez explicou que está pensado para "difundir e pór en valor o legado" dunha das "pioneiras da literatura infantil e xuvenil en Galicia" e cuxa figura "demostrou que non hai límites para aprender unha lingua".
Do mesmo xeito, o presidente da RAG, Víctor Freixanes, destacou o seu papel de profesora, a súa intención de "alimentar o país de textos e material para os escolares" e a súa obra "dirixida a un público especialmente relevante: os lectores novos".
Pola súa banda, Ramón Villares, presidente do CCG, puxo de manifesto que a elección de María Victoria Moreno para as Letras Galegas de 2018 evidencia "a capacidade da cultura galega de incorporar a aqueles que son alóctonos como autóctonos".
No acto participou tamén o viúvo da escritora, Pedro Ferriol, que quixo mencionar que María Victoria Moreno foi "represaliada durante a ditadura" franquista, que "censurou algúns dos seus libros" e "sufriu persecución" na súa libraría de Pontevedra na que "se lían libros prohibidos".

exposición itinerante
Entre outras actividades, está prevista unha exposición central conmemorativa, de carácter itinerante, baixo o título "María Victoria Moreno. Paisaxes e personaxes", comisariada polo ilustrador David Pintor e que percorrerá 11 concellos galegos do catro provincias. Esta mostra, que se iniciará na última semana de abril en Santiago, viaxará a Pontevedra, Vigo, Ourense, A Coruña, Ferrol, Sanxenxo, Ordes, Vilalba e Celanova. Tamén haberá mostras bibliográficas no  Museo Pedagóxico de Galicia, as bibliotecas públicas Miguel González Garcés (A Coruña) e Juan Compañel (Vigo), e o Museo Etnográfico de Ribadavia.
No ámbito educativo, despregaranse por preto de 2.000 puntos de Galicia e do exterior os proxectos escolares gañadores do Concurso-Exposición Letras Galegas 2018. A RAG tamén acollerá en novembro dúas xornadas dedicadas á autora. Na rede, institucións como a RAG, o portal de Bibliotecas Escolares ou o Portal das Palabras porán a disposición dos seus usuarios materiais sobre a homenaxeada.n