Albania

Basha: Pas 8 vitesh, në vend të 300 mijë vendeve pune, kemi 500 mijë emigrantë

TIRANË, 20 prill /ATSH – I. Vata/ Kryetari i PD-së Lulzim Basha tha sot se, Edi Rama 8 vite ka premtuar për të marrë vota në dijeninë e plotë që premtimet nuk do t’i mbajë.

I ftuar në një emision televiziv, ai tha se prandaj pas 8 vitesh, në vend të 300 mijë vendeve pune, kemi 500 mijë emigrantë.

Basha shtoi se “pёr 8 vite këtu ёshtё shkatërruar çdo kontroll dhe balancë. Sfida e parё dhe kryesore qё ne do tё tejkalojmë, qё unё do ta bёj realitet, pa tё cilën nuk mund tё shkojmë drejt Europës, pa tё cilën nuk mund tё garantojmë ato qё na sjell Europa, subvencione, ndihmë pёr studentët, investime tё huaja, qё hapin vende pune, qё rrisin pagat, ёshtё rikthimi tek institucionalizimi i Republikës. Unë jam për një politikë me fytyrë njerëzore. Unë besoj tek normaliteti, unë besoj se dhurata më e mirë që një njeri të cilit i besohet pushteti, se në demokraci pushtetin ta japin njerëzit me votë duhet të mos harrojë që është njëri prej tyre, që është njeri normal, por që ka përgjegjësi jashtë normales”, tha ai.

Në lidhje me qëndrimin e PD-së me Kosovën, Basha tha se qëndrimi në raport me Kosovën është i qartë dhe ne do ta mbështesim Kosovën dhe institucionet e saj në të gjitha sfidat.

“Shqiptarët e dinë që unë kam shërbyer si Ministër i Jashtëm, pra në çështjet e politikës së jashtme në një kohë shumë të rëndësishme dhe të ngjeshur me ngjarje për Shqipërinë dhe kombin shqiptar. Qëndrimi në raport me Kosovën është i qartë dhe ne do ta mbështesim Kosovën dhe institucionet e saj në të gjitha sfidat. Së pari, në njohjen ndërkombëtare nga vendet që nuk e kanë njohur akoma, në anëtarësimin në institucionet ndërkombëtare në të cilat meriton të ketë vendin e saj dhe në koordinimin e fuqishëm të të gjitha vendimmarrjeve sa i përket politikës së jashtme të Shqipërisë në funksion dhe në mbështetje të Republikës së Kosovës, institucioneve dhe qytetarëve të saj. Prioriteti numër një në bashkëpunimin dypalësh Shqipëri-Kosovë është që ne të njëjtësojmë ekonomitë e vendeve tona, të njëjtësojmë arsimin dhe të gjitha aspektet sociale dhe kulturore duke bërë kështu edhe provën e parë gjenerale të aftësisë tona si dy shtete për të qenë së shpejti së bashku anëtare të Bashkimit Europian”, tha Basha.

Duke folur për zgjedhjet e 25 prillit Basha tha se fitorja jonë do të jetë e thellë dhe kur them e jona nuk e kam parasysh vetëm për Partinë Demokratike. Socialistë, hierarkë socialistë që i kam pritur në zyrën time, socialistë të thjeshtë që i takoj me kartat e Partisë Socialiste.

“Fitorja jonë do të jetë e thellë dhe kur them e jona nuk e kam parash vetëm për Partinë Demokratike, koalicionin tonë, aleancën tonë, kam parasysh një bashkim që dukshëm dhe publikisht, jo fshehtazi, i ka kaluar kufijtë tanë. Socialistë, hierarkë socialistë që i kam pritur në zyrën time, socialistë të thjeshtë që i takoj me kartat e Partisë Socialiste. Ndërkohë që PS-ja i ka të gjitha pushtetet, ndërkohë që Edi Rama ka ndërtuar shtetin më brutal dhe arrogant, dalin haptazi, haptazi dhe thonë që mezi po presin 25 prillin. Shqiptarët e dinë që unë kam shërbyer si Ministër i Jashtëm, pra në çështjet e politikës së jashtme në një kohë shumë të rëndësishme dhe të ngjeshur me ngjarje për Shqipërinë dhe kombin shqiptar”, u shpreh ai.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Neymar has extended his contract with PSG until 2025
Zidane on Hazard laughing after Chelsea: Eden apologized, he didn't mean to offend anyone. This is in the past
Juventus refused to sell de Ligt to Chelsea and Barca. The offers came about 10 days ago
Real Madrid, Barcelona and Juve sent letters to 7 Super League clubs and threaten them with legal consequences for withdrawing from the tournament
Julen Lopetegui: Zidane is the perfect coach for Real Madrid. His work speaks for itself
Hazard will be hard to convince to leave Real Madrid. He receives 15 million euros, his contract is valid for another 3 years
Neymar will receive 30 million euros a year under a new contract with PSG