Albania

Bilushi i Metës përshëndet takimin e Albinit me Çerçizin

Ashtu siç pritej, Albini bëri sot një vizitë në Gjirokastër tek busti i Çerçizit.

Të pestë bashkëshoqëruesit dhe ai qëndruan para bustit dhe u përkulën me nderim.

Bilushi i Metës, që ndoqi pamjet online, u entuziasmua dhe i bëri një mesazh miqësor:

“I dashur Albin!

Shkuarja juaj në Gjirokastër është një lajm i madh.

Ju po i ktheni një borxh të madh Gjirokastrës dhe vetë Çerçizit, i cili në vitin 1915 u vra nga ushtarët e Malit të Zi, dhe dukej sikur Gjirokastra ishte në gjak me Malin e ZI, vendlindjen tënde.

Kjo histori është e vjetër.

Në fillim Çerçizi ka pas vra bimbashin me emrin Halil, i cili ishte një bosnjak i Malit të Zi.

Dhe kur na e vranë malazezët Çerçizin, menduam se ishte hamkarrje për bimbashin.

Por në fakt nuk ishte për atë, por për llogari të grekëve.

Grekët e akuzonin Çerçizin se u ka vrarë peshkopin grek, si kundërpërgjigje ndaj vrasjes së patriotit Spiro Kosturi në Selanik më 1907.

Meqë në Gjirokastër grekët nuk e kapnin dot, ndërkohë që ai shkoi në Shkodër në ndihmë të patriotëve shqiptarë atje, dikush e spiunoi dhe 15 ushtarë malazezë i shkuan natën tek shtëpia ku flinte në Shkodër dhe e masakruan atë dhe Muço Qullin, shokun e tij.

Ne ua lamë gjakun malazezëve ndaj dhe u gëzuam shumë sot kur mësuam se një djalë nga Mal i Zi, po vjen të vendosë lule tek busti i Çerçizit.

Shpresoj që vizita juaj do t’i jap hov fushatës elektorale të opozitës në Gjirokastër.

Meqë PD e ka të sigurtë deputetin e saj, shpresojmë që ti, t’i japësh një dorë deputetit të LSI-së.

Ai është  një minoritar grek.

Është koha të përtërijmë miqësinë greko- malazeze kundër bimbashit të Tiranës, Edi Rama.

Çerçizi do të përshëndesë nga varri për këtë aleancë, pasi kjo nuk është si ajo që vrau Çerçizin, por progresiste.

Po ashtu, u gëzova që vizituat dhe shtëpinë e shokut Enver, e cila tani është muze etnografik.

Nuk të akuzojnë dot se vizitove shtëpinë e Enverit, se në fakt vizitove Muzeun.

Sidoqoftë është një lajm i mirë që ju shkuat në Gjirokastër dhe i thyet hundën dhe këtyre të gazetës TemA, që talleshin me ju e u shkruanin me qesëndi që duhet ta bëni një miting dhe tek sheshi i Çerçizit.

Bëtë mirë që e sfiduat. Dhe presidenti ynë ashtu bën.

Kur i thonë ata që nuk parashikohen tërmetet, ai del dhe i paralajmëron. Ashtu e meritojnë ata.

Me respekt, Bilushi!”

Football news:

I don't think Barcelona is any better. Koeman on the fight for the La Liga title with Real Madrid, Atletico and Sevilla
Koeman on Minges: In Barca, you should always play actively. Pedri, Araujo also played below their level
Ronald Araujo: For Barca, all matches are finals. We won Getafe-this is the main thing
Messi gave a penalty to Griezmann with a double against Getafe-Antoine scored
Barcelona won 7 of the last 8 La Liga matches-lost to Real Madrid
Semin about the Super League: European football has the fairest traditions
Agnelli and Ceferin were preparing a joint statement because of the rumors about the Super League. The head of Juve turned off the phone before the announcement of the tournament