Albania

COVID-19/”I rëndësishëm forcimi i të gjithë masave dhe ruajtja e distancimi fizik”, përfaqësuesja e OBSH-së: Moshat mbi 60 vjeç duhet patjetër të mbajnë maskë

TIRANË, 4 korrik/ATSH/ Përfaqësuesja e Organizatës Botërore të Shëndetësisë (OBSH) në Shqipëri Bettina Menne deklaroi se për të shmangur rimbylljen për shkak të infeksionit të COVID-19, duhen zbatuar masat strike.

Në një intervisë në një nga mediet në vend, përfaqësuesja e OBSH këshillon që të gjithë personat mbi 60 vjeç të mbajnë patjetër maskë.

“Të gjithë personat që janë mbi 60 vjeç duhet të mbajnë patjetër maskë, cdo person që ka një sëmundje duhet të mbajë maskë. Nëse shkoni në spital dhe shikoni se një mjek apo infermier nuk ka maskë, ju lutem ngriheni zërin dhe bëjani të ditur këtë domosdoshmëri atyre”.

Deri tani, theksoi Menen, jemi ende nën numrin 100 të shtruar në spital dhe kjo është një situatë që ka qenë pak a shumë kontastante. Megjithatë, shton Menne, ka shumë mënyra që mund ta kontrollojmë këtë situatë pa qenë e nevojshme që të kalojmë në mbyllje totale sërish, por vetëm me masa të caktuara.

Sipas Menne, është shumë e rëndësishme që të merren të gjitha masat parandaluese dhe sidomos në ambiente të tilla, siç janë instituciontet shëndetësore, spitalet, qendrat shëndetësore e kështu me radhë.

Menne theksoi rëndësinë e të gjitha masave mbrojtëse në kompani të ndryshme industriale, në restorante, në bare dhe të gjitha ato ambiente ku kemi një numër të madh njerëzish të cilët mblidhen aty.

Mbas stinës së verës, thotë Menne, do të kemi shumë shpejt dimrin dhe siç e dimë gripi është një nga sëmundjet që shfaqet më tepër në dimër sepse njerëzit rrinë më tepër në dhoma të mbyllura për një kohë më të gjatë dhe sigurisht që do të rezultojë në një numër më të lartë të sëmurësh dhe në mosha të reja, kryesisht nga 18-50 vjec.

“Ky është skenari le të themi, situata më e keqe që ne kemi parashikuar dhe të shpresojmë, shpresojmë shumë që një vaksinë të arrijë të bëhet e mundur ndoshta për një periudhë maksimale një vjeçare”, deklaron ajo.

Lidhur me debatin mbi shtimin e testimeve, Menne thotë se “nëse rrisim testimet nuk do të thotë se patjetër do të kemi më pak njerëz të infektuar”.

“Mesazhi është i qartë, izolohuni, karantinohuni dhe pastaj mund të testoheni. Vetëm nëse keni simptoma gjatë izolimit, gjatë kësaj periudhe karantine do të testoheni. Pra nuk është vetëm që në fazë të parë testim testim testim”, u shpreh përfaqësuesja e OBSH-së.

Për doktoreshën Menne përgjegjësia e luhatjeve në shifrat e infektimeve është edhe e vetë qytetarëve.

“Është shumë e rëndësishme që të forcohen të gjitha masat paraprake dhe mbi të gjitha të ruhet distancimi fizik. Të rinjtë kanë një rol kryesor në të gjithë këtë proces, për tu mbrojtur, për tu ruajtur dhe për të mos u infektuar, sepse të rinjtë me anë të propagandës, në mediat sociale, në komunikimet që kryejnë ti transmetojnë të tjerëve të gjitha këto mesazhe, duke mbrojtur veten tuaj ju mbroni nënë tuaj, babanë tuaj, gjyshin, gjyshen, të gjithë njerëzit që keni pranë. Ky është mesazhi im kryesor për të gjithë ju për të gjithë njerëzit e këtij vendi të mrekullueshëm”, tha Menne.

Përfaqësuesja e OBSH Bettina Menne tregon se aktualisht ka 18 vaksina kandidate, njëra është në fazën 3, pra në fazën e fundit./a.gjonaj//a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Barcelona and Bayern have won the Champions League 10 times. 6 other participants of the 1/4 final of 0 cups
Gennaro Gattuso: Napoli fell asleep for half an hour and gave Barca victory. We dominated and hit more often
Lewandowski finished off Chelsea: 2 goals and 2 assists. His statistics this season are more than space
Barca flick: Not focusing on Messi. We want to show our strengths
Lewandowski scored 7 (3+4) points in two games with Chelsea and participated in all of Bayern's goals
Messi has been scoring in the Champions League for 16 years. More only have Raul-17
Luis Suarez: the main Thing is that Barcelona goes further. Bayern are one of the candidates to win the Champions League, just like other teams