Albania

EMRAT/ Gara për Kushtetuesen, KED skualifikon tre kandidatë, lë në fuqi kandidimin e tre të tjerëve për 2 vende vakante: Kanë patur mangësi të një apo disa kushteve të parashikuara nga ligji

Këshilli i Emërimeve në Drejtësi në mbledhjen e sotme ka skualifikuar nga gara 3 kandidatë për 2 vende vakante në Gjykatën Kushtetuese.

Bëhet fjalë për Aldona Sylajn, Ardita Bunën dhe Shaqir Hasanajn të cilët ishin kandidatët për vakancën e shpallur nga presidenti Ilir Meta për vendin e Besnik Imerajt. Sakaq, Ardita Buna ishte njëkohësisht kandidate për vakancën shpallur nga Kuvendi, për vendin e Fatos Lulos.

Ndërkohë, KED ka lënë në fuqi kandidimin e 3 gjyqtarëve Sonila Bejtjan, Altin Binajn dhe Aleksandër Tomës.

Kujtojmë se vetëm një ditë më parë, ambasadorja Yuri Kim gjatë një takimi me drejtuesen e KED, Vitore Tusha, i ka bërë thirrje qeverisë shqiptare për ngritjen e Gjykatës Kushtetuese deri më 31 dhjetor.

Pra, SHBA kërkon që gjykata Kushtetuese të bëhet funksionale brenda këtij viti, por që një gjë e tillë të ndodhë do të jetë shumë e vështirë.

Kandidatët për të cilët është vendosur ndalimi, kanë patur mangësi të një apo disa kushteve të parashikuara nga Kushtetuta dhe ligji. Kandidatët kanë të drejtën e ankimit në Gjykatën Administrative të Apelit, jo më vonë së 5 ditë nga dita e njoftimit të vendimit të arsyetuar.

Në mbledhjen e sotme Këshilli miratoi përfshirjen në rendin e ditës, mbi propozimin e një anëtari, edhe te diskutimeve mbi ecurinë e vakancës së shpallur nga Presidenti i Republikës në datën 22.11.2019 dhe të vakancës së shpallur nga Kuvendi i Shqipërisë në datën 28.08.2018 dhe rishpallur në datat 21.08.2019 dhe 24.09.2020 duke vendosur të informojë këto organe të emërtesës mbi gjendjen ku ndodhet secila nga vakancat e shpallura prej tyre.

Gjithashtu, ky këshill do të njoftojë organet e emërtesës edhe se do të fillojë të kryeje veprimet paraprake të fazës pasardhëse në referim të nenit 240 të ligjit 115/2016 dhe Vendimit nr.5 të KED, të datës 02.04.2019 (i ndryshuar)” deklaron KED.

h.b/dita

Football news:

Flick on Bayern: Our goal is to stay on top
Goalkeeper Alcoyano has 10 saves in the match with Real Madrid. Most of all in the season among the rivals of Madrid
De Bruyne has a suspected muscle injury. He was replaced in the game against Villa
In Spanish for 70 years there is a phraseology about Alcoyano. It's about an outsider who does not give up until the last
Andrea Pirlo: Criticism is inevitable when you are suddenly appointed Juve coach, but the results will say everything for me
Zidane on relegation from the 3rd League club: It's not a shame, let's not go crazy. Real Madrid wants to win, sometimes it doesn't come out
Real Madrid were eliminated from the Spanish Cup for the fifth time by a team from the 3rd league