Albania

Facebook dhe Twitter seancë dëgjimore në senatin amerikan

UASHINGTON, 24 tetor /ATSH-ANSA/ – Shefat e kompanive Facebook dhe Twitter kanë rënë dakord të përballen me një seancë dëgjimore me senatorët amerikanë për trajtimin e tyre të një historie të diskutueshme të ”New York Post” përpara zgjedhjeve presidenciale, deklaroi kryetari i Komitetit të Drejtësisë të Senatit, Lindsey Graham.

Sipas senatorit Graham, një aleat i vendosur i presidentit Donald Trump, CEO i Facebook Mark Zuckerberg dhe shefi i Twitter Jack Dorsey do të paraqiten vullnetarisht përpara komitetit më 17 nëntor, dy javë pas zgjedhjeve.

Komiteti i mbizotëruar nga republikanët votoi për të dëgjuar dy shefat, pasi platformat e tyre kufizuan qarkullimin e një artikulli të ”New York Post” që përmban akuza të vështira për t’u verifikuar për kandidatin presidencial demokrat, Joe Biden.

Historia u bazua në një seri e-mail-esh të marrë nga laptopi për të cilin u tha se ishte lënë  nga djali i Biden, Hunter Biden në një dyqan riparimesh. Është këmbëngulur se Joe Biden kishte përdorur pozicionin e tij të mëparshëm si ish-zëvendëspresident për të pasuruar djalin e tij.

Twitter fillimisht bllokoi përdoruesit nga shpërndarja e artikullit, duke pretenduar se ai shkel politikën e tij të materialeve komprometuese, por më vonë e bëri të qartë se nuk do të bllokonte më materialin e kompromentuar nëse nuk lëshohej direkt nga hakerat.

Facebook tha se do të kufizojë shpërndarjen e artikullit në pritje të kontrollit të fakteve.  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Pirlo about 2:1 with Ferencvaros: I expected more, but it was a difficult game against a closed opponent
Napoli has not paid salaries since July. The club plans to pay off its debts in December (RAI)
Schalke terminated the contract with Ibisevic and suspended Bentaleb and Harit
Bielsa, flick, Klopp, Lopetegui and Zidane are the contenders for the best coach of the year award
Messi, Ronaldo, Lewandowski, Ramos, de Bruyne and 4 Liverpool players are among the contenders for the best
Zlatan about getting the Swedish Golden ball: I Plan to win it in 50 years
Anton Ferdinand was racially abused in comments to a post about a documentary about racism and Terry