Albania

Ferronikeli: Do të ankohemi në UEFa për gjyqtarët kosovarë

Feronikeli janë ndarë shumë të pakënaqur nga vendimi i referëve për të anuluar një gol të tyre që në fund i kushtoi me pikë të humbura në ndeshjen kundër Dritës.

Menjëherë pasi gjyqtari e anuloi golin e Niklit, Drita barazoi rezultatin në 1-1 për të marrë një pikë dhe për të krijuar reagime të shumta në opinionin sportiv të Kosovës.

Edhe Feronikeli ka reaguar përmes një shkrimi në faqen zyrtare të klubit.

Ky është shkrimi i tyre:

Tre pikë që i mori gjyqtari me vete

Sot, më 24 nëntor 2020, në Gjilan, ishim dëshmitar të një referimi tendencioz, skandaloz e mbi të gjitha të njëanshëm.

Drita – Feronikeli, përfundoi baras, megjithatë fituan gjyqtarët por humbi futbolli kosovar.

Anulohet goli i pastër për pozitë jashtë loje që nuk ekzistoi.

Nuk akordohet penalti për prekje me dorë brenda zonës.

Ndëshkime të panumërta me kartonë, ndër ta edhe një i kuq.

E shumë e shumë incidente tjera, që prishën futbollin, që turpëtuan Supërligën, e që bënë që të vjellin qindra mijëra adhurues të futbollit.

Burim Jahmurataj, Edmond Zeqiri e Fatmir Sekiraqa, së bashku me gjyqtarin e katërt (komplet inekzistent) Visar Kastrati, arkëtuan tri pikët e plota, të marrura nga djersa e futbollistëve tanë që derdhin në fushë, e djersa e donatorëve që japin shumë për futbollin.

Mjafton ti shohësh veturat e pallatet e gjyqtarëve kosovar, për të kuptuar se si ndodhin këto “gabime njerëzore”.

Nuk është hera e parë dhe nuk është vetëm klubi i Feronikelit që dëmtohet nga gjyqtarë që favorizohen nga FFK, me në krye, Agim Ademin. Kjo është e tepërt, është e turpshme dhe jashtëzakonisht e dëmshme për futbollin e Kosovës. Përveç ankesës në FFK, Feronikeli do të dërgojë ankesë edhe në UEFA, ashtu siç dorëzuam ankesën për KFF Feronikeli.

Gjyqtarët e ndeshjes i paralajmërojmë që ky është vetëm fillimi i FC Feronikelit, pasi që ndeshje të tilla nuk do të ketë më. As edhe një! Kurrë!!!

Football news:

Solskjaer on 3-2 with Liverpool: Manchester United won on their own terms. It's a good feeling
Hames scored 10 (3+7) points in Everton's home matches. Away - 0
Suarez scored his 12th goal of the La Liga season. Messi has 11
Miller on the Manchester United defeat: Devastated. There is no second chance in knockout football
Game of Thrones actor on Liverpool: Manchester United would have been destroyed a year ago. Huge progress
Ricard Puig: It's a pretty tough season, I'm not used to playing so little. Scoring with a header is something unreal
Khabib: I am preparing for my debut in big football. I am a free agent