Albania

Haradinaj paralajmëron antarësimin e Kosovës në Interpol, në nëntor

Në përbërje të panelit ishin edhe kryeministri i Shqipërisë, Edi Rama, kryeministri i Bullgarisë Boyko Borissov, si dhe princi i Jordanisë, Ghazi bin Muhammad.

Me këtë rast, kryeministri Haradinaj tha se Kosova është pjesë e kombeve euroatlantike, pjesë e koalicionit që e lufton ekstremizmin.

Duke folur para ekspertëve të antiterrorizmit, përfaqësuesve të shumtë politikë e fetarë, Haradinaj tha se ideja e ekstremistëve është të përdorin rrjetet të ndryshme, rrjete të bamirësisë apo edhe rrjete tjera fetare dhe fatkeqësisht kanë rekrutuar njerëz brenda rrjeteve në secilin vend, bën të ditur një njoftim nga Kryeministria.

“Kosova është e ndërgjegjshme sa i përket rrezikut të ekstremizmit. Ne si vend i vogël kemi pasur shkuarje në luftëra të huaja, por po ashtu ne kemi parandaluar udhëtimin e disa personave që të shkojnë atje. Problemet dhe lajmet që vijnë nga lufta atje i kanë bërë qytetarët të kuptojnë rrezikun”, tha kryeministri.

Duke qenë se Kosova është shtet i ri, Haradinaj tha se alternativa që kemi është të shohim se familja është e rëndësishme dhe hapi i parë që duhet të merret në parandalimin e ekstremizmit, është ruajtja e familjes.

“Ne mbështetemi shumë në familje sepse ajo është instituti i parë që duhet të veprojë”, tha Haradinaj.

Megjithatë, kryeministri tha se në Kosovë ka ende punë për t’u bërë.

“Duam të jemi një ekip, të bashkëpunojmë dhe shpresoj që çelësi për sukses është bashkëpunimi brenda shtetit, bashkëpunimi në mes të kombeve”, tha Haradinaj.

Ai tha se të gjithë duhet të jenë të vetëdijshëm se mund të jenë të përdorur nga terroristët, andaj interesi jonë është që të gjithë së bashku të punojmë edhe me organizatat botërore.

Kryeministri theksoi interesimin e Kosovës që në nëntor të bëhet pjesë e Interpolit.

Po ashtu, Haradinaj tha se mizoritë në luftërat e ISIS-it kanë ndihmuar botën që të kuptojë se sa e rrezikshme është kjo ideologji e kamufluar nën petkun fetar, kështu që ndërgjegjësimi tani për tani është shumë i mirë dhe çdo kush është i vetëdijshëm nga rreziku i terrorizmit.

Football news:

The men played against the boys. Dublin about the match Manchester City – Liverpool
Liverpool's defeat by Manchester City is the biggest for the Premier League champion since 1998
Liverpool lost for the 2nd time in the 2019/20 Premier League. There was only one defeat last season
Nike is Recalling Barcelona uniforms from stores due to poor quality
When they argue whether any hand in attack should be considered a violation, show this Tottenham goal
Gianluigi Buffon: the Fire inside me is still burning
Gary Lineker: I'm Starting to think that Liverpool was a soap bubble