Albania

Investime paralele në të gjithë zinxhirin bujqësor dhe agropërpunues

TIRANË, 23 maj /ATSH/- Zv.ministri i Bujqësisë dhe Zhvillimit Rural, Dhimo Kote, gjatë një takimi sot në Fier, ku u prezantua Skema Kombëtare e mbështetjes për bujqësinë, i garantoi fermerët se ata nuk do të jenë vetëm.

“Specialistët e bujqësisë do t’ju kontaktojnë drejtëpërdrejtë dhe janë të gatshëm t’ju ndihmojnë për çdo paqartësi që mund të keni në aplikimin e Skemës së Mbështetjes, për të përfituar financim falas, nga fondi që qeveria shqiptare adreson për bujqësinë” – tha Kote.

Duke marrë fjalën në këtë  takim, Kote tha se, Agjencia e Zhvillimit Bujqësor dhe Rural ka  goditur në shenjë me financimet që po lëvron në investimet që prekin të  gjithë zinxhirin e bujqësisë dhe agropërpunimit.

“Subvensioni në blegtori që zë dhe vendin kryesor në Skemën e Mbështetjes 2020, do të vijojë edhe vitin tjetër duke rritur financimin në blegtori krahas bujqësisë, ashtu siç po zhvillohen skemat e financimit edhe në vendet e tjera”,- tha Kote.

Sipas tij, ne kemi sot rreth 1700 ha sera, e fermerët përfitojnë nga 3 milionë lekë deri në 5 milionë lekë, për ndërrimin e plastmasit në çdo tip sere që kanë të ndërtuar në tokat e tyre.

Në zonën e Fierit, që shquhet për prodhimtarinë më të lartë bujqësore në Shqipëri, po investohen 60 milionë euro në sistemin e ujitjes dhe kullimit.

“Paralelisht me ujitjen e kullimin, qeveria po financon në infrastrukturën rrugore rurale, përmirësimin e furnizimit me energji elektrike krahas subvencioneve për rritjen e prodhimit bujqësor vendas apo granteve nga programi IPARD, duke investuar kështu njëkohësisht  në të gjithë zinxhirin bujqësorë dhe agropërpunues”, tha zv.ministri.

Ai siguroi fermerët se, strukturat vendore dhe qendrore janë në eficensë të plotë për çdo nevojë të fermerëve se si të aplikojnë në skemat e mbështetjes. /e.xh/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Rashford on the death of George Floyd: black Lives matter. We are important
Messi will not leave Barcelona for free in the summer. This clause in the contract is no longer valid
Manchester United have extended ighalo's loan until January 31, 2021
PSG can buy Milinkovic-Savic and Marusic from Lazio for 80 million euros
Niang is Interesting for Tottenham, but the move to Marseille is more real
Coutinho's agent: Philippe has a desire to return to the Premier League, but there have also been conversations with Bayern about next season
Bayern President on Sanaa: he plays in Nike cleats. If he goes to us, he will learn about the advantages of adidas