Albania

Karikaturat e Profetit Muhamed, Erdogan thirrje për bojkotim të mallrave franceze: Janë “anti-islamike”

Presidenti turk Rexhep Tajip Erdogan bëri thirrje të hënën që turqit të mos blejnë kurrë mallra franceze.

Ai u bëri thirrje gjithashtu udhëheqësve të Bashkimit Evropian të ndalin atë që ai e quajti axhendë “anti-islamike” të presidentit francez Emmanuel Macron.

Zoti Erdogan tha të shtunën se zoti Macron ka një problem me myslimanët dhe ka nevojë për kontrolle të shëndetit të tij mendor, një deklaratë që e bëri Francën të tërheqë ambasadorin e saj nga Ankaraja.

Ai bëri komente të ngjashme të nesërmen dhe përsëri të hënën.

“Ashtu siç thonë ata në Francë ‘mos blini mallra të markave turke’, unë u bëj thirrje të gjithë qytetarëve të mi që të mos i ndihmojnë kurrë markat francize, të mos i blejnë ato,” tha zoti Erdogan.

Franca është burimi i 10-të më i madh i importeve të Turqisë dhe tregu i shtatë më i madh për eksportet turke, sipas Institutit Statistikor të Turqisë.

Automjetet franceze janë ndër më të shiturat në Turqi.

Presidenti Macron ka deklaruar se do të luftojë “separatizmin islamik”, i cili, sipas tij, po kërcënon të uzurpojë disa komunitete myslimane të Francës.

Vendi është tronditur nga ngjarja e këtij muaji, kur një militant islamik i preu kokën një mësuesi francez, si hakmarrje ndaj përdorimit prej tij të karikaturave të Profetit Muhamed gjatë një ore mësimi për lirinë e shprehjes.

Turqia dhe Franca janë të dyja anëtare të NATO-s, por kanë patur mosmarrëveshje për çështje të tilla si Siria dhe Libia, juridiksioni detar në Mesdheun lindor dhe konflikti në Nagorno-Karabak. –

Football news:

PSG assess the option of signing Messi in the summer (ESPN)
Koeman on the words of the acting President of Barca about the sale of Messi: only Leo himself can make a decision about his future
Ney warmly recalls Maradona: at the age of 14, he brought the legend to an exhibition match, Diego himself offered to take a photo
Klopp responded to Neville's criticism about the words about 5 substitutions and the calendar: I'm not like him. I'm talking about all the players
The hardest task: help choose the best attacking midfielder in history
Mourinho, Lampard, Solskjaer and Moyes claim the title of best coach of November in the Premier League
Brunu, Grealish, Chilwell, Heibjerg - among the contenders for the November best player award in the Premier League