Albania

Kreu i OBSH-së: Shumë vende kanë marrë drejtim të gabuar

Pandemia e koronavirusit “do të përkeqësohet” nëse qeveri të caktuara nuk ndërmarrin hapa vendimtarë për të frenuar përhapjen e sëmundjes që e shkakton ai, COVID-19, tha drejtori i Organizatës Botërore të Shëndetësisë, Tedros Adhanom Ghebreyesus.

“Ne po shohim rritje të rrezikshme të rasteve në vendet ku masat e dëshmuara për uljen e rrezikut, nuk zbatohen ose nuk ndiqen”.

“Më lejoni të jem i drejtpërdrejtë, shumë vende kanë marrë drejtim të gabuar”, tha Tedros në një konferencë për media në Gjenevë.

Tedros tha se “mesazhet e përziera nga udhëheqësit” po e minojnë besimin e publikut në përpjekjet për ta sjellë pandeminë nën kontroll.

“Virusi mbetet armiku publik numër një, por veprimet e shumë qeverive dhe njerëzve nuk e pasqyrojnë këtë”, tha Tedros, duke mos përmendur asnjë udhëheqës me emër.

“Nëse rregullat bazike nuk ndiqen, ka vetëm një rrugë që do të ndjekë kjo pandemi.

Do të përkeqësohet”, shtoi Tedros.

Organizata Botërore e Shëndetësisë, në udhëzimet e saj, vazhdimisht rekomandon mbajtjen e distancës fizike, larjen e duarve dhe veshjen e maskave.

Koronavirusi ka prekur afro 13 milionë njerëz në gjithë botën.

Prej tyre, mbi 570,000 kanë vdekur dhe mbi 7.1 milionë janë shëruar.

Football news:

Juventus are seriously Interested in Atletico midfielder Thomas
Champions League format for Atletico: Simeone's team is still an underdog, but now they have the best chance
Atletico claims the goalkeeper of the national team of Serbia and Eibar Dmitrovic, compensation – 20 million euros
The FA Cup will be held without replays in the 2020/21 season, and there will be one match in the 1/2 final of the League Cup
Ronaldo's entourage denied the option of moving to Barcelona. Cristiano is happy at Juventus
Matuidi moved to Inter Miami Beckham
Morata is one of Juve's candidates for the forward position