Albania

Memelli, sërish kundër Teutës

Pasi e mundi në mesjavë në gjysmëfinalen e Kupës së Shqipërisë, e pret nesër në Korçë, në kuadrin e javës së 28-të të kampionatit. Skënderbeu po kalon një moment pozitiv, edhe pse ndodhet në zonën e mbijetesës, tejet i rrezikuar. Për t’i ushqyer shpresat e qëndrimit të Superiore nevojiten pikët e plota nesër, ndaj Teutës, me të cilën, sikurse thamë më sipër, e bëri “nxehjen” të mërkurën, kur e eliminoi në mënyrë të papritur. Trajneri Migen Memelli ka folur me optimizëm dhe vlerësim për skuadrën e tij:

“Është ndeshja e radhës, që ka rëndësinë e vet. Padiskutim që Teuta ka kualitete brenda, është një skuadër me eksperiencë. Duke parë çfarë kemi bërë në javët e fundit, si skuadër dhe individualisht, kam besim të jashtëzakonshëm se lojtarët do të zhvillojnë një ndeshje të mirë nesër. Do të futemi në lojë për të marrë maksimumin.

Nëse performanca do t’i përgjigjet takimit, nëse niveli i intensitetit dhe ana psikologjike do të jetë e duhura, ku unë insistoj që të rrimë tek ai nivel ku kemi qenë në ndeshjet e fundit, besoj se skuadra do të marrë maksimumin, që janë tri pikët. Është një ndeshje me të tria rezultatet brenda, por ne kërkojmë të marrim më të mirën.

Na mungon vetëm Pusi, ka një kontraktim në pjesën e kofshës. Jemi në lartësinë e duhur, besoj që edhe nesër lojtarët do të bëjnë më të mirën. Kemi diskutuar me ekipin rreth asaj që bëmë në takimin e shkuar. Do të kemi edhe sot një bisedë, do të analizojmë gjërat pozitive dhe negative, sepse kështu përmirësohemi.

Më vjen mirë që lojtarët janë koshientë dhe janë përmirësuar goxha gjatë gjithë këtyre javëve. Jam i lumtur për ta, sepse kam gjetur një skuadër me lojtarë cilësorë nga ana individuale. Ajo çfarë mungonte ishte pjesa e grupit, të cilën ata e kanë fituar tashmë.    

Euforia? Nuk më tremb, pasi iu kërkoj çdo ditë lojtarëve që të qëndrojnë me këmbë në tokë. Skënderbeu është një klub që i distancon ata që kërkojnë të bëjnë gjëra individuale. Ajo çfarë kërkohet në klub është të jepet maksimumi për skuadrën dhe fanellën”.

Football news:

Griezmann spoke with Hamilton and visited the Mercedes boxes at the Spanish Grand Prix
Barcelona feels that Neymar used it. He said that he wanted to return, but extended his contract with PSG (RAC1)
Aubameyang to the Arsenal fans: We wanted to give you something good. I am sorry that we could not
Atletico did not lose at the Camp Nou. Busquets' injury is the turning point of the match (and the championship race?)
Verratti injured his knee ligaments in PSG training. Participation in the Euro is still in question
Neymar's contract in one picture. Mbappe wants the same one
Manchester United would like to sign Bellingham in the summer, not Sancho. Borussia do not intend to sell Jude