Albania

Rindërtimi në Shijak/ Vijojnë punimet për 567 banesa individuale, 400 familje hyjnë në shtëpitë e reja para Vitit të Ri


TIRANË, 26 nëntor/ATSH/ 400 familje në bashkinë e Shijakut, banesat e të cilëve u dëmtuan rëndë nga tërmeti i 26 nëntorit do të festojnë Vitin e Ri në shtëpitë e tyre të reja, ndërkohë që në këtë bashki po rindërtohen 567 banesa individuale.

Kryetari i bashkisë Shijak, Elton Arbana ishte sot në Maminas, Shijak, në shtëpinë e re të Hysni Zezës, e rindërtuar nga e para brenda 35 ditëve.

“Kjo është një nga banesat e dëmtuara të datës 26 nëntor. 35 ditë më përpara ne kemi bërë demolimin e objektit dhe sot jemi në fazën që familja e Hysniut po gëzon dhe po hyn në shtëpinë e re. Vetëm në njësinë administrative Maminas, këtu në fshatin Rubjek, kanë mbaruar 5 banesa individuale të cilëve ne u kemi dorëzuar çelësat”, tha ai.

Arbana tha se “procesi i rindërtimit në bashkinë e Shijakut po ecën përtej pritshmërive. “Në bashkinë e Shijakut po ndërtohen aktualisht 567 banesa individuale nga të cilat 480 prej tyre janë në fazën e përfundimit, pra kanë mbaruar mbi 70%”, tha ai.

Arbana informoi se “në bashkinë e Shijakut janë demoluar 30 pallate dhe është bërë evadimi i mbetjeve”. “Ka vazhduar infrastruktura e brendshme dhe shumë shpejt do të nisë dhe me hapjen e themeleve paralelisht me pallatet që do të ndërtohen nga e para. Në bashkinë e Shijakut jemi drejt përfundimit të 27 pallateve që kanë përfituar nga programi i granteve me rikonstruksionin total të tyre. Shumica prej tyre kanë mbaruar, qytetarët u janë kthyer normalitetit”, tha Arbana.

Ai informoi po ashtu se “kemi bërë shpërndarjen e granteve DS1, DS2, DS3 për 1800 familje që janë përfitues në bashkinë e Shijakut”.

“Banesat individuale të ngritura deri në 70%, brenda dhjetor 2020 të gjitha do të jenë të përfunduara. Ky është një lajm shumë i mirë për banorët. Të gjithë ata që janë dëmtuar dhe nuk janë në banesat e tyre do të marrin bonusin e qirasë”, tha Arbana.

Në 11 bashki në gjithë vendin po ndërtohen 4500 banesa individuale. Konkretisht, bashkia Tiranë ka 2 mijë banesa; bashkia Shijak 567 banesa individuale; bashkia Kavajë 110 banesa individuale; bashkia Krujë 206 banesa individuale; bashkia Durrës 785 banesa individuale; bashkia Kurbin 191 banesa individuale; bashkia Mirditë 82 banesa; bashkia Kamzë 210 banesa dhe bashkia Rrogozhinë 148 banesa./m.m/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Alex Ferguson: Rooney has had a fantastic career. I hope he can be a coach
A Bundesliga club cannot be bought. But Volkswagen was able to
Midfielder Bayer Amiri was called a fucking Afghan. After the match, the Union player apologized
Ozil and Arsenal have agreed to terminate their contract. He will complete the move to Fenerbahce at the weekend
Klopp on Bruno: Outstanding player, leader. Good transfer for Manchester United, unfortunately
Paul Ince: Manchester United can beat Liverpool. Two years ago, I would not have said that
Brunu on the Manchester United penalty talk: I don't care. Our attacking players are fast, it is normal that sometimes they earn a penalty