Albania

Shqipëria kampione e Ballkanit në turizëm, energji, eksporte bujqësore, e shoqëri dixhitale


TIRANË, 17 prill/ATSH/ Kryeministri Edi Rama nga Gjirokastra ku e vijoi turin e tij elektoral theksoi rëndësinë e investimeve që ka kryer qeveria në këtë zonë, ndërsa nuk la pa komentuar edhe deklaratën e kreut të PD-së, që do të ishte në të gjithë vendin nga Tropoja në Sarandë përgjatë këtyre 9 ditëve.

“Rrugës për këtu një mikesha ime këtu, një zonjë me moshë të avancuar më shkruante: nuk vij dot o xhan po na ka sfiduar Luli. Po çfarë sfide ka bërë- e pyeta? Ka thënë për 9 ditët e fundit do të bëj nëntë takime nga Tropoja në Sarandë. Ç’është ky, fle nëntë vjet, zgjohet 9 ditë dhe na sfidon ne me 9 orë punë, – i ishte drejtuar ajo Ramës “, u shpreh Rama.

Sipas Ramës, disa merren me punë dhe disa me fjalë.

“Unë jam këtu me Mirelën, Bledin, Laertin e Kiarën e miq të tjerë me kokën lart, sepse pavarësisht se kemi patur pothuaj katër vite të jashtëzakonshme, sot Gjirokastra, Tepelena, Libohova, Dropulli, Memaliaj janë shumë më mirë se sa 4 vite më parë, ashtu sikundër sot Përmeti ku në hyrje ka një tabelë: në Përmet gjen çdo gjë veç detit është pak hapa larg lidhjes edhe me detin”, u shpreh kryeministri.

“Falë punës së jashtëzakonshme që kemi bërë së bashku, Tepelena nuk është më një xhep që i kalonim anash, as thjeshtë e vetëm një ndalesë e bukur, siç u bë gjatë mandatit të parë. Për kryeministrin, sot Tepelena është udhëkryqi ku kalojnë të rrugët që të çojnë në bregun e Jonit dhe të tëra rrugët që të çojnë në Gjirokastër nga bregu i Jonit shumë shpejt edhe në Korçë nga bregu i Jonit”, tha Rama.

“Sot falë investimeve që kemi bërë kemi një pellg shumë më të madh të lidhur në diversitetin e vet me të gjitha relievet e natyrës së mrekullueshme shqiptare nga kaltërsia e detit deri në bardhësinë e maleve për t’ju ofruar njerëzve, mundësira të reja, shanse të reja tanimë që po dalin nga tuneli i mallkuar i pandemisë. Sot ne mund ta themi me plot gojën se Shqipëria është gati të vazhdojë ngjitjen dhe të arrijë në majë për tu bërë kampione e Ballkanit në turizëm, energji, eksporte bujqësore, e shoqëri dixhitale”, deklaroi Rama.

Sipas tij, të gjitha këto janë rrugë të nisura e kantiere, janë një plan i financuar qeverisëse, jo program elektoral.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Griezmann spoke with Hamilton and visited the Mercedes boxes at the Spanish Grand Prix
Barcelona feels that Neymar used it. He said that he wanted to return, but extended his contract with PSG (RAC1)
Aubameyang to the Arsenal fans: We wanted to give you something good. I am sorry that we could not
Atletico did not lose at the Camp Nou. Busquets' injury is the turning point of the match (and the championship race?)
Verratti injured his knee ligaments in PSG training. Participation in the Euro is still in question
Neymar's contract in one picture. Mbappe wants the same one
Manchester United would like to sign Bellingham in the summer, not Sancho. Borussia do not intend to sell Jude