SHBA

Djali i Princit Harry, Archie, nuk do të bëhet kurrë një princ sipas planit të gjyshit të tij për një monarki të kufizuar, tha një raport i ri.

Princi Charles, i cili pritet të jetë mbreti i ardhshëm britanik, është i vendosur të kufizojë numrin e mbretërorëve kryesorë në një përpjekje për të plotësuar qëllimet e tij të ardhshme – sipas të cilave nuk do të paguajë për një monarki të fryrë. Lajmin e publikoi dje The Daily Mail.

Charles i tha djalit të tij se ai do të ndryshojë dokumentet kryesore për të parandaluar që Archie të trashëgojë titullin, i cili do të kishte qenë dikur e drejta e tij e lindjes, thuhej në artikull. Vogëlushi aktualisht është i shtati në radhë për fronin.

“Harry-t dhe Meghan-it iu tha që Archie nuk do të ishte kurrë princ, edhe kur Charles të bëhet mbret”, tha burimi i tabloidit.

Në raport thuhej gjithashtu se Meghan dhe Harry nuk e kanë pritur mirë lajmin, edhe pse çifti vendosi vetë t’i braktiste detyrat e tyre mbretërore për të jetuar në SHBA. Kjo gjë thuhet se ka përkeqësuar më tej marrëdhëniet midis Harry-t dhe Pallatit Buckingham.

Sipas planit të Charles, vetëm trashëgimtarët e fronit dhe familjarët e tyre të afërt do të merrnin tituj të plotë dhe mbështetje financiare dhe policore të financuar nga taksapaguesit, tha Mail.

Charles dhe vëllai i tij më i vogël Princi Andrew kanë pasur gjithashtu mosmarrëveshje rreth asaj që duhet të marrin Princeshat Beatrice dhe Eugenie në të ardhmen. Princeshat janë respektivisht në vend të dhjetë dhe të njëmbëdhjetë në linjën e trashëgimisë, pas lindjes së vajzës së Harry-t, Lilibet Diana, këtë muaj.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb