Albania

STUDIM – Imuniteti ndaj COVID-19 mund të zhduket në disa muaj

PARIS, 13 korrik /ATSH-AFP/ – Imuniteti i bazuar në antitrupa, i fituar pas shërimit nga COVID-19, kryesisht do të zhdukej brenda disa muajsh, sipas një studimi të ri, i cili mund të komplikojë zhvillimin e një vaksine efektive në planin afatgjatë.

“Kjo punë konfirmon që përgjigjet e antitrupave mbrojtëse te njerëzit e infektuar me SARS-CoV-2 (…) duket se po bien me shpejtësi”, nënvizoi sot Stephen Griffin, profesor i asociuar në shkollën mjekësore të universitetit të Leeds në Britaninë e Madhe.

“Vaksinat në zhvillim ose duhet të krijojnë një mbrojtje më të fortë dhe më të qëndrueshme kundër infeksioneve natyrore, ose të administrohen rregullisht”, shtoi mjeku, i cili nuk ishte i përfshirë në studim.

“Nëse infeksioni ju jep nivele të antitrupave që bien në dy deri në tre muaj, vaksina potencialisht do të bëjë të njëjtën gjë dhe një injeksion i vetëm mund të mos jetë i mjaftueshëm”, thekson Katie Doores, autore kryesore e studimit, për “The Guardian”.

Studimi nga prestigjiozi “King’s College London”, i cili ende nuk është shqyrtuar nga kolegët, është publikuar në faqen e internetit të medrxiv.

Studiuesit studiuan reagimin imunitar të më shumë se 90 rasteve të konfirmuara (përfshirë 65 nga testet virologjike) dhe tregojnë se nivelet e antitrupave neutralizues, të aftë për të shkatërruar virusin, arrijnë kulmin mesatarisht rreth tre javë pas shfaqjes së simptomave, pastaj ulen me shpejtësi.

Sipas testeve të gjakut, madje edhe individë me simptoma të butë kanë pasur një përgjigje imunitare ndaj virusit, por përgjithësisht më pak sesa në forma më të rënda.

Vetëm 16,7% e subjekteve kishin ende nivele të larta të antitrupave neutralizues 65 ditë pas shfaqjes së simptomave./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Barcelona did not win the Champions League, La Liga, or the Spanish Cup for the first time since 2014
Messi won't win the Champions League for the 5th year in a row
Perisic's goal proves more clearly than any other that Barcelona is no longer the same. All froze on place, and Semedu shoved the ball Roberto (and his immediately ate)
Barcelona conceded 5 goals in a Champions League match for the first time in history
Bayern have scored 36 goals for the season in the Champions League. This is their record
Mueller came in 3rd place for goals scored in the knockout stages of the Champions League. Only Messi and Ronaldo have more
Messi beat Raul to 4th place in the Champions League