Albania

TENIS – Osaka tërhiqet nga French Open për shkak të lëndimit

PARIS, 18 shtator /ATSH-AA/ – Kampionia e US Open, tenistja japoneze Naomi Osaka është tërhequr nga French Open për shkak të lëndimit të ligamentit të këmbës së majtë.

Osaka iu bashkua mbrojtëses së titullit kampion Ash Barty, e cila më herët për shkak të pandemisë së koronavirusit u tërhoq nga pjesëmarrja në kampionatin e French Open, e cila fillon më 27 shtator në Paris.

Grand Slam përjetoi një goditje tjetër, pasi organizatorët e turneut njoftuan reduktim të mëtejshëm të pranisë së spektatorëve për shkak të përhapjes së epidemisë së koronavirusit në Francë.

Kufiri i ri, i përcaktuar nga Departamenti i policisë së Parisit është 5 000 spektatorë në ditë.

“Është e rëndësishme për jetën sportive, sociale dhe ekonomike të vendit që një ngjarje madhore si Roland-Garros të mund të mbahet duke respektuar domosdoshmëritë shëndetësore”, thanë organizatorët.

Osaka, e cila radhitet si tenistja e tretë në botë, dëmtoi ligamentin muajin e kaluar në Western&Southern Open, gjithashtu në New York dhe u tërhoq nga finalja e këtij turneu që të mund të luaj në US Open të cilën e fitoi.

“Për fat të keq nuk do të jem në gjendje të luaj në French Open këtë vit”, tha Osaka në Twitter. “Ligamenti im është akoma i lënduar, kështu që nuk do të kem kohë të përgatitem. Këto dy turne erdhën shumë pranë njëri-tjetrit për mua këtë herë”, tha ajo.

Në karrierën e saj të deritanishme, 22-vjeçarja japoneze ka fituar tre turne Grand Slam, të tre në fushë të fortë. Ajo ka dy tituj të US Open dhe një Australian Open.  /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

An unfortunate statement about joining an imaginary tournament. La Liga President on Bartomeu's words about the European Premier League
Benzema scored the club's 30th goal in the Champions League. Only Messi, Ronaldo and Raul managed it
Miranchuk and Krykhovyak are the best Loko players in the match against Bayern according to Bild, CHorluka and Murilo are the worst
Salzburg coach about the Champions League: we deserved more than one point in two games
With Lukaku, it is useless to play in a power struggle. Shakhtar defender Bondar on the Inter forward
Ivanov will serve the match OF AZ-Rijeka in the Europa League. Rotor appealed his refereeing in the game with Loko
Gasperini on Ajax: it's not easy for everyone Against them. Atalanta made a great comeback